ବିଏମ୍‌ସି ଓ ସ୍ୱାସ୍ଥ୍ୟ ବିଭାଗର ବଢିଲା ଚିନ୍ତା, ମିଳୁନି ୨ ଜଣଙ୍କ ଟ୍ରାଭେଲ୍‌ ହିଷ୍ଟ୍ରୀ ।

ବିଏମ୍‌ସି ଓ ସ୍ୱାସ୍ଥ୍ୟ ବିଭାଗର ବଢିଲା ଚିନ୍ତା, ମିଳୁନି ୨ ଜଣଙ୍କ ଟ୍ରାଭେଲ୍‌ ହିଷ୍ଟ୍ରୀ ।, Nitidina, Odisha, News, Real Story, Health Tips, Life style, Daily Living, Tips, Job Updates, Yoga, Meditation, Stay Healthy, Save Tree, Save Life, Extended Lockdown

ରାଜଧାନୀର ଦୁଇ କରୋନା ଆକ୍ରାନ୍ତଙ୍କୁ ନେଇ ବିଏମ୍‌ସି ଓ ସ୍ୱାସ୍ଥ୍ୟ ବିଭାଗର ମୁଣ୍ଡବିନ୍ଧା ବଢିଯାଇଛି । ସହରରେ ଏବେ ମୋଟ ୧୧ଟି ଆକ୍ଟିଭ୍‌ କେଶ୍‌ ରହିଛି । ଏଥିରୁ ୯ ଜଣଙ୍କ ଟ୍ରାଭେଲ୍‌ ହିଷ୍ଟ୍ରି ମିଳିଛି । କିନ୍ତୁ ଆଉ ୨ ଜଣଙ୍କ ଟ୍ରାଭେଲ୍‌ ହିଷ୍ଟ୍ରି ମିଳୁନାହିଁ । ଏଥିପାଇଁ ସମସ୍ତେ ଚିନ୍ତାରେ ପଡି ଯାଇଛନ୍ତି ।

ବିଏମ୍‌ସି କମିଶନର ପ୍ରେମଚନ୍ଦ୍ର ଚୌଧୁରୀ ବୁଧବାର ଏହି ସୂଚନା ଦେଇଛନ୍ତି । ତାଙ୍କ ସୂଚନା ଅନୁସାରେ, ଭୁବନେଶ୍ୱରରେ ଏବେ ୧୧ ଆକ୍ଟିଭ୍‌ କେସ୍‌ ଥିବାବେଳେ ଆମେ ୯ ଜଣଙ୍କ ଟ୍ରାଭେଲ୍‌ ହିଷ୍ଟ୍ରି ପାଇଛୁ । ସେମାନଙ୍କ ଆଖପାଖରେ ଥିବା ପ୍ରାୟ ୪୦ ରୁ ୫୦ ପରିବାରକୁ ମଧ୍ୟ ହୋମ୍‌ କ୍ୱାରେଣ୍ଟାଇନ୍‌ରେ ରଖାଯାଇଛି । ସଂପୃକ୍ତ ଅଞ୍ଚଳରେ ସର୍ଭେଲାନ୍ସ ଚାଲିଛି । ଘରକୁ ଘର ବୁଲି ସର୍ଭେ କରାଯାଉଛି । କାହାର ଲକ୍ଷଣ ଥିଲେ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯାଉଛି ।

Coronavirus Odisha News Update 96 new corona patients confirmed in ...
Google
ପ୍ରତିଦିନ ୩୦୦ ରୁ ୪୦୦ ଲୋକଙ୍କୁ ପରୀକ୍ଷା କରାଯାଉଛି ।

କ୍ୟାପିଟାଲ ହସ୍ପିଟାଲ ଓ ଅନ୍ୟ କିଛି ସ୍ଥାନରେ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯାଉଛି । ତେବେ ସହରରେ ଏବେ ଆଉ କୌଣସି ସ୍ଥାନକୁ କଣ୍ଟେନମେଣ୍ଟ୍‌ ଜୋନ୍‌ରେ ରଖାଯାଇନି ବୋଲି ସେ ସ୍ପଷ୍ଟ କରିଛନ୍ତି । କିନ୍ତୁ ଆଉ ୨ ଜଣଙ୍କ ଟ୍ରାଭେଲ୍‌ ହିଷ୍ଟ୍ରି ନେଇ କମିଶନର କୌଣସି ସୂଚନା ଦେଇନାହାନ୍ତି । ଏହି ୨ଜଣ ସ୍ଥାନୀୟ ସଂକ୍ରମିତ କି କାହା ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି, ତାର ତନାଘନା ଚାଲିଛି ବୋଲି ଜଣାପଡିଛି ।

ସେପଟେ ପଞ୍ଜିକରଣ କରି ରାଜଧାନୀକୁ ଆଜିସୁଦ୍ଧା କେତେ ଲୋକେ ଫେରିଛନ୍ତି ଓ କ୍ୱାରେଣ୍ଟାଇନ୍‌ରେ ଅଛନ୍ତି, ତାର ତଥ୍ୟ ମଧ୍ୟ ଦେଇଛନ୍ତି କମିଶନର ଶ୍ରୀଚୌଧୁରୀ । ରାଜଧାନୀକୁ ଫେରିବାକୁ ଆଜିସୁଦ୍ଧା ମୋଟ ୧୦ ହଜାର ୬୬୧ ଜଣ ପଞ୍ଜିକରଣ କରିଛନ୍ତି । ଏଥିରୁ ୨,୧୬୮ ଜଣ ଫେରିଲେଣି । ଯେତିକି ଲୋକେ ଫେରିଛନ୍ତି ସେମାନଙ୍କ ଭିତରୁ ୧,୨୯୭ ଜଣ ହୋମ୍‌ କ୍ୱାରେଣ୍ଟାଇନ୍‌ରେ ଅଛନ୍ତି ।

ଏବେ ୫୬ ଜଣ ବିଭିନ୍ନ ସରକାରୀ କ୍ୱାରେଣ୍ଟାଇନ୍‌ ଓ ୪୬ ଜଣ ପେଡ୍‌ କ୍ୱାରେଣ୍ଟାଇନ୍‌ରେ ଅଛନ୍ତି । ୩୦୦ ରୁ ଅଧିକ କ୍ୱାରେଣ୍ଟାଇନ୍‌ ସାରି ଘରକୁ ଫେରିଲେଣି ବୋଲି ସେ ସୂଚନା ଦେଇଛନ୍ତି । ଏମିତି ସବୁବେଳେ ସମସ୍ତ ଖବର ପ୍ରତିଦିନ ପଢିବା ପାଇଁ ତଳେ ଲାଇକ କରନ୍ତୁ ଆମ ଫେସବୁକ ପେଜକୁ, ଏହି ପୋଷ୍ଟକୁ ଅଧିକ ଅଧିକ ସେୟାର କରନ୍ତୁ ।

Leave a Reply

Your email address will not be published.