ପାକିସ୍ତାନ କ୍ରିକେଟର ୱାସିମ ଆକ୍ରମ ବର୍ତ୍ତମାନ ସମୟର ଖେଳାଳିଙ୍କ ମଧ୍ୟରୁ ନିଜର ପ୍ରିୟ ଖେଳାଳିଙ୍କ ନାଁ କହିଛନ୍ତି। ପାକିସ୍ତାନର ଏହି ପୂର୍ବ ଅଧିନାୟକ ଭାରତୀୟ ଅଧିନାୟକ ରୋହିତ ଶର୍ମା କିମ୍ବା ବିରାଟ କୋହଲିଙ୍କ ନାଁ କହି ନାହାନ୍ତି।
ଭାରତ ବର୍ତ୍ତମାନ କିଛି ଦିନ ତଳେ ଜିମ୍ବାୱେ ବିପକ୍ଷରେ ଏକ ତିନୋଟି ମ୍ୟାଚ ବିଶିଷ୍ଟ ସିରିଜ ଖେଳୁଥିଲା। ଏଥିରେ ଭାରତୀୟ ଦଳର ମୁଖ୍ୟ ଖେଳାଳି ଖେଳୁ ନଥିଲେ ମଧ୍ୟ ଭାରତ ଏହି ସିରିଜକୁ ୩-୦ ରେ ଜିତି ନେଇଥିଲା। କିନ୍ତୁ ଭାରତୀୟ ଦଳ ନିଜର ସମସ୍ତ ଅଭିଜ୍ଞ ଖେଳାଳିଙ୍କ ସହ ଏସିଆ କପ ଖେଳିବାର ଅଛି। ଏହି ଏସିଆ କପ ଅଗଷ୍ଟ ୨୭ ତାରିଖରୁ ଆରମ୍ଭ ହେବାକୁ ଯାଉଛି। ଏହି ଦଳରେ ରୋହିତ ଶର୍ମା ଏବଂ ବିରାଟ କୋହଲି ମଧ୍ୟ ଅଛନ୍ତି ଯେଉଁମାନେ କି ବର୍ତ୍ତମାନ ସମୟର ଦୁଇ ଶ୍ରେଷ୍ଠ ଖେଳାଳି। କିନ୍ତୁ ପୂର୍ବତନ ପାକିସ୍ତାନ ଅଧିନାୟକ ୱାସିମ ଆକ୍ରମ ଏମାନଙ୍କ ବ୍ୟତୀତ ଅନ୍ୟ ଏକ ଖେଳାଳିଙ୍କୁ ପସନ୍ଦ କରନ୍ତି ଯିଏକି ତାଙ୍କୁ ଅଧିକ ପ୍ରଭାବିତ କରିଛନ୍ତି।
ୱାସିମ ଆକ୍ରମ କହିଛନ୍ତି ଯେ, ବର୍ତ୍ତମାନ ସମୟରେ ସୂର୍ଯ୍ୟକୁମାର ୟାଦବ ତାଙ୍କ ପ୍ରିୟ ଖେଳାଳି। ତାଙ୍କର କିଛି ଖେଳିବା ଶୈଳୀ ଏବଂ ସର୍ଟସ ଦେଖି ସେ ଆଶ୍ଚର୍ଯ୍ୟ ହୋଇ ଯାଇପାରନ୍ତି, ଏବଂ ସୂର୍ଯ୍ୟ ବି ଜଣେ ଉଚ୍ଚକୋଟୀର ବ୍ୟାଟ୍ସମାନ ଅଟନ୍ତି।
ୱାସିମ ଏସିଆ କପ ୨୦୨୨ ର ଅଧିକାରୀ ପ୍ରସାରଣକର୍ତା ଷ୍ଟାର ସ୍ପୋର୍ଟସ ସହ ମିଟିଂ ସମୟରେ କହିଛନ୍ତି ଯେ, ବର୍ତ୍ତମାନ ସମୟରେ ରୋହିତ ଶର୍ମା, ବିରାଟ କୋହଲି ଏବଂ କେ ଏଲ ରାହୁଲ ଭଳି ଖେଳାଳି ଅଛନ୍ତି। କିନ୍ତୁ ଛୋଟ ଫର୍ମାଟ ପାଇଁ ତାଙ୍କ ପସନ୍ଦର ଖେଳାଳି ହେଉଛନ୍ତି ସୂର୍ଯ୍ୟକୁମାର ୟାଦବ। ତାଙ୍କୁ ସେ କୋଲକାତା ଦଳରେ ୭ କିମ୍ବା ୮ ନମ୍ବରରେ ବ୍ୟାଟିଂ କରୁଥିବାର ଦେଖିଥିଲେ। ତେବେ ତାଙ୍କର କିଛି ସର୍ଟ ଅତ୍ୟନ୍ତ ଚମତ୍କାର ଥିଲା ଯାହାକି ବହୁତ କଷ୍ଟସାଧ୍ୟ ଅଟେ। ସେ ଯେଉଁ ସର୍ଟ ଫାଇନ ଲେଗ ମଧ୍ୟରେ ଖେଳୁଥିଲେ, ତାହା ତାଙ୍କର ଦର୍ଶନୀୟ ସର୍ଟ ଏବଂ ତାହା ବହୁତ କଷ୍ଟକର ଅଟେ।
ଆକ୍ରମ କହିଥିଲେ ଯେ, ଯେବେ ଠାରୁ ସୂର୍ଯ୍ୟ କୁମାର ଭାରତୀୟ ଦଳକୁ ଫେରିଛନ୍ତି, ସେବେ ଠାରୁ ସେ ତାଙ୍କ ଦକ୍ଷତାରେ ଆହୁରି ଅଧିକ ଉନ୍ନତି ଦେଖିବାକୁ ମିଳିଛି। ସେଥିପାଇଁ ତାଙ୍କ ଖେଳ ଦେଖିବାକୁ ବହୁତ ମଜା ଲାଗେ। ପଡ଼ିଆର ସମସ୍ତ ଦିଗରେ ସେ ସର୍ଟ ଖେଳି ପାରନ୍ତି। ସେଥିପାଇଁ ତାଙ୍କୁ ଭାରତର ୩୬୦° ଖେଳାଳି ବୋଲି ମଧ୍ୟ କୁହାଯାଏ। ସେ ଉଭୟ ପେସ୍ ଏବଂ ସ୍ପିନକୁ ବହୁତ ଭଲ ଭାବରେ ଖେଳି ପାରନ୍ତି। ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପର ପ୍ରଥମ ମ୍ୟାଚ ଅଗଷ୍ଟ ୨୮ ତାରିଖରେ ଖେଳାଯିବାର ଅଛି।
