ଭାରତ ବନାମ ଇଂଲଣ୍ଡ: ରବିନ୍ଦ୍ର ଜାଡେଜା ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଖେଳିବେ ନାହିଁ । ହନୁମା ବିହାରୀ ମଧ୍ୟ ଦଳରୁ ବାଦ ପଡିଛନ୍ତି । ଆସନ୍ତୁ ଜାଣିବା କିଏ କିଏ ଦଳକୁ ଫେରିଛନ୍ତି ଆଉ କିଏ କିଏ ବାଦ ପଡିଛନ୍ତି ।
ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ ଜିତିବା ପରେ ଭାରତ ବର୍ତ୍ତମାନ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଦଳ ଘୋଷଣା କରିଛି । ପ୍ରଥମ ଦୁଇଟି ଟେଷ୍ଟ ପାଇଁ ଭାରତ ଦଳ ଚୟନ କରିଛି ଯେଉଁଥିରେ ବିରାଟ କୋହଲି ଅଧିନାୟକ ହେବେ । ହାର୍ଦ୍ଦିକ ପାଣ୍ଡ୍ୟା ଏବଂ ଇଶାନ୍ତ ଶର୍ମା ମଧ୍ୟ ଦଳକୁ ଫେରିଛନ୍ତି । ବଡ ଖବର ହେଉଛି ଅଲରାଉଣ୍ଡର ରବିନ୍ଦ୍ର ଜାଡେଜା ଏବଂ ହନୁମା ବିହାରୀ ଦଳ ବାହାରେ, ଉଭୟ ଅଷ୍ଟ୍ରେଲିଆ ଗସ୍ତ ସମୟରେ ଆହତ ହୋଇଥିଲେ । ଜାଡେଜାଙ୍କ ସ୍ଥାନରେ ଅକ୍ଷାର ପଟେଲଙ୍କୁ ଦଳରେ ସୁଯୋଗ ମିଳିଛି । ପ୍ରଥମ ଦୁଇଟି ଟେଷ୍ଟ ପାଇଁ ଦଳରେ ଜସପ୍ରୀତ ବୁମ୍ରା ଏବଂ ଆର ଅଶ୍ୱିନଙ୍କୁ ମଧ୍ୟ ଚୟନ କରାଯାଇଛି ।
ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଚୟନକର୍ତ୍ତାମାନେ ୧୮ ଜଣିଆ ଦଳ ଚୟନ କରିଛନ୍ତି । ଯେଉଁଥିରେ ପୃଥିବୀ ଶ୍ୱ ସ୍ଥାନ ପାଇନାହାଁନ୍ତି । ୱାଶିଂଟନ୍ ସୁନ୍ଦର, ଶାର୍ଦ୍ଦୁଲ ଠାକୁର ଏବଂ ମହମ୍ମଦ ସିରାଜ ମଧ୍ୟ ଦଳର ଏକ ଅଂଶ । କୁଲଦୀପ ଯାଦବ ମଧ୍ୟ ଦଳ ସହ ଅଛନ୍ତି । ଅଷ୍ଟ୍ରେଲିଆରେ ଖରାପ ପ୍ରଦର୍ଶନ ସତ୍ତ୍ୱେ ମାୟାନକ ଅଗ୍ରୱାଲ ମଧ୍ୟ ଦଳରେ ସ୍ଥାନ ପାଇଛନ୍ତି । ୱିକେଟ୍ କିପର ଦଳ ଭାବରେ ରିଦ୍ଧିମାନ ସାହାଙ୍କୁ ମଧ୍ୟ ରଖାଯାଇଛି ।
TEAM – Virat Kohli (Capt), Rohit Sharma, Mayank Agarwal, Shubman Gill, Cheteshwar Pujara, Ajinkya (VC), KL Rahul, Hardik, Rishabh Pant (wk), Wriddhiman Saha (wk), R Ashwin, Kuldeep Yadav, Axar Patel, Washington Sundar, Ishant Sharma, Jasprit Bumrah, Md. Siraj, Shardul Thakur
— BCCI (@BCCI) January 19, 2021
ଇଂଲଣ୍ଡ ବିପକ୍ଷ ପ୍ରଥମ ୨ଟି ଟେଷ୍ଟ ପାଇଁ ଟିମ୍ ଇଣ୍ଡିଆ: ରୋହିତ ଶର୍ମା, ଶୁଭମାନ ଗିଲ, ମାୟାନକ ଅଗ୍ରୱାଲ, ଚେତେଶ୍ୱର ପୂଜାରା, ବିରାଟ କୋହଲି, ଅଜିଙ୍କ୍ୟ ରାହାନେ, ରୀଷଭ ପନ୍ତ, ରିଦ୍ଧିମାନ ସାହା, ହାର୍ଦ୍ଦିକ ପାଣ୍ଡ୍ୟା, କେ.ଏଲ୍ ରାହୁଲ, ଜସପ୍ରୀତ ବୁମରା, ଇଶାନ୍ତ ଶର୍ମା, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର, ଆର ଅଶ୍ୱିନ, କୁଲଦୀପ ଯାଦବ, ୱାଶିଂଟନ ସୁନ୍ଦର ଏବଂ ଅକ୍ଷାର ପଟେଲ।
ଟେଷ୍ଟ ସିରିଜ୍ ୫ ଫେବୃଆରୀରୁ ଆରମ୍ଭ:
ରିପୋର୍ଟ ଅନୁଯାଇ, ଭାରତ ଏବଂ ଇଂଲଣ୍ଡ ମଧ୍ୟରେ ୪ ଟି ଟେଷ୍ଟ ସିରିଜ୍ ଫେବୃଆରୀ ୫ ରୁ ଆରମ୍ଭ ହେବ । ପ୍ରଥମ ଏବଂ ଦ୍ୱିତୀୟ ଟେଷ୍ଟ ମ୍ୟାଚ୍ ଚେନ୍ନାଇରେ ଖେଳାଯିବ । ଦ୍ୱିତୀୟ ଟେଷ୍ଟ ମ୍ୟାଚ୍ ୧୩ ଫେବୃଆରୀରୁ ଆରମ୍ଭ ହେବ । ଏହା ପରେ ଫେବୃଆରୀ ୨୪ ରୁ ଅହମ୍ମଦାବାଦର ନୂତନ ମୋଟେରା ଷ୍ଟାଡିୟମରେ ଡେ-ନାଇଟ ଟେଷ୍ଟ ମ୍ୟାଚ ହେବ ଏବଂ ମାର୍ଚ୍ଚ ୪ ରେ ଏହି ଗ୍ରାଉଣ୍ଡରେ ସିରିଜର ଶେଷ ଟେଷ୍ଟ ଖେଳାଯିବ । ଟେଷ୍ଟ ସିରିଜ୍ ପରେ ମାର୍ଚ୍ଚ ୧୨ ରୁ ପାଞ୍ଚ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ଆରମ୍ଭ ହେବ । ଶେଷରେ, ୨୩ ମାର୍ଚ୍ଚରୁ ୩ ମ୍ୟାଚ୍ ବିଶିଷ୍ଟ ODI ସିରିଜ୍ ଅନୁଷ୍ଠିତ ହେବ ।
ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋନା ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ ।
