ସୁନା ଦରରେ ସାମାନ୍ୟ ସୁଧାର ଆସିଛି । ହେଲେ ଏବେବି ବଜାରରେ ଦର ଢେର ଉଚ୍ଚା ରହିଛି । ଏପରି ମହଙ୍ଗା ସମୟରେ ବି ଆପଣଙ୍କ ଲାଗି ଶସ୍ତାରେ ସୁନା କିଣିବା ଲାଗି ଅପୂର୍ବ ସୁଯୋଗ ସୃଷ୍ଟି ହୋଇଛି । ସୋମବାର ଅର୍ଥାତ ଜୁନ ୮ ତାରିଖରୁ ସରକାର ସୋଭରେନ୍ ଗୋଲ୍ଡ ବଣ୍ଡରେ ନିବେଶ ଆହ୍ୱାନ କରିଛନ୍ତି । ଜୁନ ୧୨ ତାରିଖ ପର୍ଯ୍ୟନ୍ତ ମାତ୍ର ୪ ଦିନରେ ବଜାର ଦର ଠାରୁ କମ୍ ଦରର ଆପଣ ଏହି ସ୍ୱର୍ଣ୍ଣ ନିବେଶ କରିପାରନ୍ତି । ବର୍ତ୍ତମାନ ଦେଶର ବଜାରରେ ସୁନାମୂଲ୍ୟ ଯେପରି ବଢିକି ଅଛି ଏଥିରେ ଗୋଲ୍ଡ ବଣ୍ଡରେ ନିବେଶ ଆପଣଙ୍କ ଲାଗି ନିଶ୍ଚିତ ଲାଭଦାୟକ ହେବ ବୋଲି ଆଶା କରାଯାଏ ।
ସୋଭରେନ୍ ଗୋଲ୍ଡ ବଣ୍ଡର ତୃତୀୟ ସିରିଜ୍ ଲାଗି ସରକାର ସୁନାର ମୂଲ୍ୟ ମଧ୍ୟ ନିଶ୍ଚିତ କରିଦେଇଛନ୍ତି । ଏଥିରେ ପ୍ରତି ୧ ଗ୍ରାମ ମୂଲ୍ୟ ୪ ହଜାର ୬୭୭ ଟଙ୍କା ଧାର୍ଯ୍ୟ ହୋଇଛି । ଏଥିରେ ବଣ୍ଡ ଲାଗି ଅନଲାଇନ ଆବେଦନକାରୀଙ୍କୁ ସରକାର ଅତିରିକ୍ତ ୫୦ ଟଙ୍କା ରିହାତି ଦେବାକୁ ବି ଘୋଷଣା କରିଛନ୍ତି । ଏହି ବଣ୍ଡକୁ ଆପଣ କୌଣସି ଡାକଘର, ଆପଣଙ୍କ ନିକଟସ୍ଥ ବାଣିଜ୍ୟିକ ବ୍ୟାଙ୍କ, ଭାରତୀୟ ଷ୍ଟକ ହୋଲ୍ଡିଂ ନିଗମ ଲିମିଟେଡ୍ ଅଥବା ଷ୍ଟକ୍ ଏକ୍ସଚେଞ୍ଜ ଜରିଆରେ କ୍ରୟ କରିପାରିବେ । ଯଦି ଆପଣଗୋଲ୍ଡ ବଣ୍ଡରେ ନିବେଶ କରୁଛନ୍ତି ତେବେ ଏଥିରୁ ଆପଣଙ୍କୁ ଏକ ସଙ୍ଗରେ ୨ଟି ଲାଭ ମିଳୁଛି ।
ସୋମବାର (କାଲି) ଖୋଲିବ ସରକାରୀ ଗୋଲ୍ଡ ବଣ୍ଡ
ସୁନା ଦର ବଢିଲେ ଆପଣଙ୍କ ନିବେଶ ମୂଲ୍ୟ ମଧ୍ୟ ବୃଦ୍ଧି ହେବ। ଏଥିରୁ ଆପଣ ଲାଭବାନ ହେଉଥିବା ବେଳେ ସରକାର ମଧ୍ୟ ୨ ପ୍ରତିଶତ ସୁଧ ଦେଉଛନ୍ତି । ଯାହାକୁ ଆପଣ ଲାଭରେ ବୋନସ ବି ଭାବି ପାରନ୍ତି । ପ୍ରତି ୬ ମାସରେ ସରକାର ଏଥିରେ ସୁଧ ଦେଇଥାନ୍ତି । ବଣ୍ଡ ମାଧ୍ୟମରେ ଆପଣ ୧ ଗ୍ରାମରୁ ଆରମ୍ଭ କରି ୫୦୦ ଗ୍ରାମ ପର୍ଯ୍ୟନ୍ତ ସୁନା କ୍ରୟ କରିପାରିବେ । ତେବେ କାହାରିକୁ ୪ କେଜିରୁ ଅଧିକ କ୍ରୟ ଲାଗି ଅନୁମତି ମିଳିବ ନାହିଁ ।
ତେବେ ଟ୍ରଷ୍ଟ ଅଥବା ସଙ୍ଗଠନ ସର୍ବାଧିକ ୨୦ କେଜି ଓଜନ ପର୍ଯ୍ୟନ୍ତ ସୁନା ମୂଲ୍ୟର ବଣ୍ଡ କ୍ରୟ କରିପାରନ୍ତି । ଏହିଗୋଲ୍ଡ ବଣ୍ଡର ମ୍ୟାଚରିଟି ୮ ବର୍ଷ ନିର୍ଦ୍ଧାରିତ ହୋଇଛି। ତେବେ ନିବେଶକ ଚାହିଁଲେ ୫ ବର୍ଷ ପରେ ମଧ୍ୟ ପ୍ରତ୍ୟାହାର କରିପାରନ୍ତି । ସୋଭରେନ ଗୋଲ୍ଡ ବଣ୍ଡ ଏକ ସୁରକ୍ଷିତ ନିବେଶ ଓ ନିବେଶକ ଚାହିଁଲେ ବଜାରରେ ସୁନା ଦର ଅନୁସାରେ ଭଙ୍ଗାଇ ପାରନ୍ତି । ଏମିତି ସବୁବେଳେ ସମସ୍ତ ଖବର ପ୍ରତିଦିନ ପଢିବା ପାଇଁ ତଳେ ଲାଇକ କରନ୍ତୁ ଆମ ଫେସବୁକ ପେଜକୁ, ଏହି ପୋଷ୍ଟକୁ ଅଧିକ ଅଧିକ ସେୟାର କରନ୍ତୁ ।
