ଫେକ୍ ‘ଆରୋଗ୍ୟ ସେତୁ’ ଆପ୍ କୁ ନେଇ ଲୋକମାନଙ୍କୁ ସତର୍କ କଲେ ପୋଲିସ କମିଶନର ।
କୌଣସି ଲିଙ୍କ୍, ଇ-ମେଲ ବା smsରୁ ଡାଉନଲୋଡ଼ ନକରିବା ପରାମର୍ଶ ଦେଇଛନ୍ତି ପୋଲିସ କମିଶନର ।
ଆପ୍ ସହ ଅନ୍ୟ ଏକ ଆପ୍ ‘ଚାଟ୍-ମି’ ଛାଏଁ ଡାଉନଲୋଡ଼ ହୋଇଯାଉଛି । ଉକ୍ତ ଲିଙ୍କ୍ କୁ ପାକିସ୍ତାନୀ ହ୍ୟାକର ଚଳାଉଛନ୍ତି, ସବୁ ତଥ୍ୟ ନେବାପାଇଁ ।
ଏହି ଆପ୍ ମାଧ୍ୟମରେ ସମସ୍ତ ବ୍ୟକ୍ତିଗତ ତଥ୍ୟ ଚୋରିହେବାର ବହୁତ ଅଶଙ୍କା ରହିଛି । ତେଣୁ ଗୁଗୁଲ୍ ପ୍ଲେ-ଷ୍ଟୋର କିମ୍ବା ଆପଲ ଷ୍ଟୋର ରୁ ଆରୋଗ୍ୟ ସେତୁ ଆପ୍କୁ ଡାଉନଲୋଡ଼ କରିବାକୁ କମିଶନର ପରାମର୍ଶ ଦେଇଛନ୍ତି । ଆପଣ ଯଦି କୌଣସି ଲିଙ୍କ୍, ଇ-ମେଲ ବା smsରୁ ଡାଉନଲୋଡ଼ କରିଛନ୍ତି ତାହାଲେ ଆପଣଙ୍କ ଫୋନ୍କୁ ଫ୍ୟାକ୍ଟ୍ରି ରି-ସେଟ୍ ମାରିବାକୁ ପରାମର୍ଶ ଦେଇଛନ୍ତି ।
ଗୁଗୁଲ୍ ପ୍ଲେ-ଷ୍ଟୋର କିମ୍ବା ଆପଲ ଷ୍ଟୋର ରୁ ‘ଆରୋଗ୍ୟ ସେତୁ’ ଆପ୍ କୁ ଡାଉନଲୋଡ଼ କରନ୍ତୁ ।
କରୋନା ମହାମାରୀର ସଚେତନତା ପାଇଁ ସରକାର ବିଭିନ୍ନ ପ୍ରକାର ଟେକ୍ନୋଲୋଜିର ସାହାଯ୍ୟ ନେଇଛନ୍ତି । ଅପ୍ରେଲ ୨ ତାରିଖରେ ଭାରତ ସରକାର ‘ଆରୋଗ୍ୟ ସେତୁ’ ନାମକ ଏହି ଆପ୍ ଲଞ୍ଚ କରିଥିଲେ । ଏହି ‘ଆରୋଗ୍ୟ ସେତୁ’ ଆପ୍ ମାଧ୍ୟମରେ ପ୍ରତ୍ୟେକ ବ୍ୟକ୍ତି କୋଭିଡ୍-୧୯ କିମ୍ବା କୋରୋନା ଭାଇରସ୍ ସମ୍ପର୍କରେ ସବିଶେଷ ତଥ୍ୟ ପାଇପାରିବେ ।
ସାରା ଦେଶ ଏବଂ ସମସ୍ତ ରାଜ୍ୟର କରୋନା ସଂକ୍ରମିତଙ୍କ ସଂଖ୍ୟା ଓ ତାଜା ଖବର ପାଇପାରିବେ । ଲଞ୍ଚ ହେବାର କିଛି ଦିନ ଭିତରେ କୋଟି କୋଟି ୟୁଜର୍ସ ଏହାକୁ ଇନଷ୍ଟଲ୍ କରି ନିଜର ରେଜିଷ୍ଟ୍ରେସନ୍ କରିଥିଲେ । କରୋନା ମହାମାରୀ ମୁକାବିଲା ପାଇଁ ଭାରତ ସରକାରଙ୍କ ଏହିପରି ଉଦ୍ୟମକୁ ବିଭିନ୍ନ ସ୍ତରରେ ପ୍ରଶଂସା ମଧ୍ୟ କରାଗଲା ।
କିଛିଦିନ ପରେ ଫ୍ରାନ୍ସିସିସ୍ ସିକ୍ୟୁରିଟି ରିସର୍ଚ୍ଚର ଇଲିୟଟ୍ ଏଲଡ଼ରସନ୍ ଟ୍ୱିଟ କରି ଜଣାଇଥିଲେ ଯେ, ‘ଆରୋଗ୍ୟ ସେତୁ’ ଆପ୍ ରେ ସୁରକ୍ଷା ଜନିତ ସମସ୍ୟା ରହିଛି । ଏହି ଆପ୍ ବ୍ୟବହାର କରୁଥିବାରୁ ପ୍ରାୟ ୯୦ ମିଲିୟନ୍ ୟୁଜର୍ସଙ୍କର ବ୍ୟକ୍ତିଗତ ଗୋପନୀୟ ତଥ୍ୟ ଲିକ୍ ହୋଯାଇଛି ବୋଲି କହିଥିଲେ । ସମସ୍ତ ତଥ୍ୟ ଏବେ ସାର୍ବଜନୀନ ହୋଇଛି ।
ଏହି ଟ୍ୱିଟ ପରେ ‘ଆରୋଗ୍ୟ ସେତୁ’ ଆପ୍ ପକ୍ଷରୁ ସ୍ପଷ୍ଟୀକରଣ କରାଯାଇଛି ଯେ, ଏଭଳି ସମସ୍ୟା ଦେଖାଯିବ ବୋଲି ପୂର୍ବରୁ ହ୍ୟାକରଙ୍କ ସହ ଆଲୋଚନା କରାଯାଇଥିଲା । ୟୁଜର୍ସଙ୍କର ବ୍ୟକ୍ତିଗତ ଗୋପନୀୟ ତଥ୍ୟ ଲିକ୍ ହେବାର କୌଣସି ସମ୍ଭାବନା ନଥିବା ଆଲୋଚନାରୁ ସ୍ପଷ୍ଟ ହୋଇଥିଲା ।
ପୂର୍ବରୁ ରାହୁଲ ଗାନ୍ଧୀ ମଧ୍ୟ୍ୟ ‘ଆରୋଗ୍ୟ ସେତୁ’ ଆପ୍ ରେ ବ୍ୟକ୍ତିଗତ ତଥ୍ୟ ର ସୁରକ୍ଷା ନେଇ ପ୍ରଶ୍ନ ଉଠେଇଥିଲେ ।
‘ଆରୋଗ୍ୟ ସେତୁ’ ଆପ୍ ସମ୍ପର୍କରେ ସୋସିଆଲ ମିଡ଼ିଆରେ ଅନେକ ଗୁଜବ ଆରମ୍ଭ ହେଇଯାଇଛି । ଏହି ସବୁ ଗୁଜବ କୁ ବିଶ୍ୱାସ ନ କରିବାକୁ କେନ୍ଦ୍ର ସରକାରଙ୍କ ପକ୍ଷରୁ ଲୋକଙ୍କୁ ଅନୁରୋଧ କରାଯାଇଛି । ‘ଆରୋଗ୍ୟ ସେତୁ’ ଆପ୍କୁ ଗୁଗୁଲ୍ ପ୍ଲେ-ଷ୍ଟୋର, ଆପଲ ଷ୍ଟୋର କିମ୍ବା ମେରୀ ସରକାର (ମୋ ଗାଁ) ୱେବସାଇଡ୍ ରୁ ଡାଉନଲୋଡ଼ କରିବାକୁ ପରାମର୍ଶ ଦେଇଛନ୍ତି ।
ସୋସିଆଲ ମିଡ଼ିଆରେ ଯଦି କେହି ‘ଆରୋଗ୍ୟ ସେତୁ’ ଆପ୍ ର ଲିଙ୍କ୍ ପଠାଉଛନ୍ତି ଜମା କ୍ଲିକ୍ କରନ୍ତୁ ନାହିଁ । ଏହି ଲିଙ୍କ୍ ରେ ଭାଇରସ୍ ଥାଇପାରେ ଏବଂ ଡାଉନଲୋଡ଼ କଲେ ଆପଣଙ୍କ ତଥ୍ୟ ଲିକ୍ ହେଇଯିବ । ଯଦି ଏଭଳି ଲିଙ୍କ୍ ଆସୁଛି କିମ୍ବା କିଏ ପଠାଉଛି ତୁରନ୍ତ ରିପୋର୍ଟ କରିବାପାଇଁ କେନ୍ଦ୍ର ସରକାର ଅନୁରୋଧ କରିଛନ୍ତି ।
