ଅଷ୍ଟ୍ରେଲିଆ ବିପକ୍ଷ ତୃତୀୟ ଦିନିକିଆରେ ଅଧିନାୟକ ବିରାଟ କୋହଲି ୭୮ ବଲରେ ୬୩ ରନ୍ ସଂଗ୍ରହ କରିଥିଲେ । ସେ ଏହି ଇନିଂସରେ ୫ ଚୌକା ମାରିଥିଲେ । ବିରାଟ କୋହଲି ଡେବ୍ୟୁ ପରେ ପ୍ରଥମ ଥର ପାଇଁ ଏବର୍ଷ ODI ରେ ଶତକରୁ ବଞ୍ଚିତ ହୋଇଥିଲେ ।
ଭାରତୀୟ ଅଧିନାୟକ ବିରାଟ କୋହଲି କାନବେରାର ମନୁକା ଓଭାଲରେ ତୃତୀୟ ODI ରେ ୬୩ ରନ ସ୍କୋର କରି ଅଷ୍ଟ୍ରେଲିଆ ବିପକ୍ଷରେ ଜୋଶ ହାଜଲେଉଡଙ୍କ ଶିକାର ହୋଇଥିଲେ । ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜରେ କୋହଲି ତିନିଥର ହାଜେଲଉଡର ଶିକାର ହୋଇଛନ୍ତି । କେବଳ ଏତିକି ନୁହେଁ, ଡେବ୍ୟୁ ହେବା ପରେ ଏହା ପ୍ରଥମ ଥର, ଯେତେବେଳେ ଅଧିନାୟକ କୋହଲିଙ୍କୁ ODI କ୍ରିକେଟରେ ଗୋଟିଏ ବି ଶତକ ସ୍କୋର ନକରି ବର୍ଷ ଶେଷ କରିବାକୁ ପଡିଛି । ଚଳିତ ବର୍ଷ କୋହଲି ODI କ୍ରିକେଟରେ ଗୋଟିଏ ବି ଶତକ ହାସଲ କରିପାରି ନାହାଁନ୍ତି । ବାସ୍ତବରେ ଏହି ମ୍ୟାଚ୍ ଟିମ୍ ଇଣ୍ଡିଆର ଶେଷ ODI ମ୍ୟାଚ୍ ଥିଲା ।
ତେବେ ୨ୟ ମ୍ୟାଚ୍ରେ ସେ ଶତକର ନିକଟତର ହୋଇଥିଲେ । କିନ୍ତୁ ତାଙ୍କୁ ୮୯ ରନ୍ ପାଇଁ ହାଜଲେଉଡ୍ ପ୍ୟାଭିଲିୟନକୁ ପଠାଯାଇଥିଲା । କୋହଲି ୨୦୦୮ ରେ ନିଜର ODI ଡେବ୍ୟୁ କରିଥିଲେ । ତା’ପରେ ସେ ପାଞ୍ଚ ଇନିଂସ ଖେଳି ଶତକ ହାସଲ କରିପାରି ନଥିଲେ । ସେବେଠାରୁ ସେ ପ୍ରତିବର୍ଷ ODI କ୍ରିକେଟରେ ଶତକ ହାସଲ କରିଛନ୍ତି । ସେ ୨୦୧୭ ଏବଂ ୨୦୧୮ ରେ ସର୍ବାଧିକ ଶତକ ସ୍କୋର କରିଥିଲେ । ୨୦୧୭ ରେ କୋହଲି ୨୬ ଇନିଂସ ଏବଂ ୨୦୧୮ ରେ ସେ ୧୪ ଇନିଂସରେ ୬ ଟି ଲେଖାଏଁ ଶତକ ହାସଲ କରିଥିଲେ ।
ପ୍ରତିବର୍ଷ ODI କ୍ରିକେଟ୍ ରେ କୋହଲିଙ୍କ ଶତକ ଲିଷ୍ଟ:
2008 – 0
2009 – 1
2010 – 3
2011 – 4
2012 – 5
2013 – 4
2014 – 4
2015 – 2
2016 – 3
2017 – 6
2018 – 6
2019 – 5
2020 – 0
ଅଷ୍ଟ୍ରେଲିଆ ବିପକ୍ଷ ଘରୋଇ ODI ସିରିଜରୁ କୋହଲି ବର୍ଷ ଆରମ୍ଭ କରିଥିଲେ । ଏହା ପରେ ଦଳ ନ୍ୟୁଜିଲ୍ୟାଣ୍ଡ ଗସ୍ତରେ ଯାଇଥିଲା ଏବଂ ପରେ କରୋନା ପରେ କ୍ରିକେଟ୍ କିଛି ସମୟ ପାଇଁ ଅଟକି ଯାଇଥିଲା । ଅଷ୍ଟ୍ରେଲିଆ ବିପକ୍ଷ ODI ସିରିଜ୍ ହେଉଛି କରୋନା ପରେ ଟିମ୍ ଇଣ୍ଡିଆର ପ୍ରଥମ ସିରିଜ୍ ।
ଏହି ମ୍ୟାଚ୍ରେ ବିରାଟ କୋହଲି ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍ ହୋଇପାରିଛନ୍ତି ଯାହାକି ODI କ୍ରିକେଟ୍ ରେ ଦ୍ରୁତତମ ୧୨ ହଜାର ରନ୍ ପୂରଣ କରିଛି । ସେ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି । ସେ ୧୩ ତମ ଓଭରରେ ସେନ ଆବଟ୍ଟଙ୍କ ପ୍ରଥମ ବଲରୁ ଗୋଟିଏ ସିଙ୍ଗଲ ନେଇଥିଲେ ଏବଂ ଏହା ସହ ସେ ୧୨ ହଜାର ODI ରନ୍ ମଧ୍ୟ ସମାପ୍ତ କରିଥିଲେ । ସେ ୨୪୨ ଇନିଂସରେ ଏହି ପ୍ରଦର୍ଶନ କରିଥିଲେ । ଯେତେବେଳେ କି ତେନ୍ଦୁଲକର ୩୦୦ ଇନିଂସରେ ଏହା କରିଥିଲେ ।
ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋନା ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ ।
