ଆଇପିଏଲ୍ 2020 ର ପଞ୍ଚମ ମ୍ୟାଚ୍ ରେ ରୋହିତ ଶର୍ମାଙ୍କ ବ୍ୟାଟ୍ ମୁମ୍ବାଇ ଇଣ୍ଡିଆନ୍ସ (MI) ଏବଂ କୋଲକାତା ନାଇଟ୍ ରାଇଡର୍ସ (କେକେଆର୍) ମଧ୍ୟରେ ହୋଇଥିବା ମ୍ୟାଚରେ ଏକ ଝଡ ସୃଷ୍ଟି କରିଥିଲା । ଆବୁଧାବିର ଶେଖ ଜାଏଦ ଷ୍ଟାଡିୟମରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା କୋଲକାତା ବୋଲରକୁ କଡ଼ା ଜବାବ ଦେଇଥିଲେ । ସେ ତାଙ୍କ ଆଇପିଏଲ୍ କ୍ୟାରିୟରର ୩୭ ତମ ଅର୍ଦ୍ଧଶତକ ହାସଲ କରିଥିଲେ । ରୋହିତ ଶର୍ମା ୩ ଚୌକ ଓ ୬ ଛକା ସହାୟତାରେ ୫୪ ବଲରୁ ୮୦ ରନର ଏକ ଇନିଂସ ଖେଳିଥିଲେ ।
କେକେଆର ବିପକ୍ଷ ଏହି ଇନିଂସରେ ରୋହିତ ତାଙ୍କ ନାମରେ ଅନେକ ସ୍ୱତନ୍ତ୍ର ରେକର୍ଡ ସୃଷ୍ଟି କରିଛନ୍ତି । ରୋହିତ ଶର୍ମା ମଧ୍ୟ ଆଇପିଏଲ କ୍ୟାରିୟରରେ ୨୦୦ ଛକା ପୂରଣ କରିଥିଲେ । ସେ ଏହି ମ୍ୟାଚରେ ୬ ଛକା ମାରି ୨ୟ ସ୍ଥାନ ହାସଲ କରିଥିଲେ । ଆଇପିଏଲ୍ ଇତିହାସରେ ୨୦୦ଟି ଛକା ମାରିବାରେ ରୋହିତ ଶର୍ମା ଦ୍ୱିତୀୟ ଭାରତୀୟ ଖେଳାଳି ହୋଇଛନ୍ତି । ରୋହିତଙ୍କ ବ୍ୟତୀତ କେବଳ ଏମ ଏସ ଧୋନି ଭାରତୀୟ ଖେଳାଳିଙ୍କ ମଧ୍ୟରେ ଏହି ରେକର୍ଡ ହାସଲ କରିଛନ୍ତି । ଏଥି ସହିତ, କ୍ରିସ୍ ଗେଲ୍ ୩୨୬ ଛକା ସହ ତାଲିକାର ଏକ ନମ୍ବରରେ ଥିଲାବେଳେ ଏବି ଡି ଭିଲିୟର୍ସ ୨୧୪ ଛକା ମାରି ୨ୟ ସ୍ଥାନରେ ଅଛନ୍ତି ।
ଆଇପିଏଲରେ ଅଧିକାଂଶ ଛକା ମାରିଥିବା ଖେଳାଳି:
୩୨୬ କ୍ରିସ ଗେଲ୍
୨୧୪ ଏବି ଡି ଭିଲିୟର୍ସ
୨୧୨ ଏମଏସ ଧୋନି
୨୦୦ ରୋହିତ ଶର୍ମା
୧୯୪ ସୁରେଶ ରାଇନା
ଏହା ବ୍ୟତୀତ ସେ କୌଣସି ଗୋଟିଏ ଦଳ ବିପକ୍ଷରେ ସର୍ବାଧିକ ରନ୍ ସ୍କୋର କରିବା ପ୍ରସଙ୍ଗରେ ସନରାଇଜର୍ସ ହାଇଦ୍ରାବାଦ ଅଧିନାୟକ ଡେଭିଡ ୱାର୍ନରଙ୍କୁ ପଛରେ ପକାଇ ଦେଇଛନ୍ତି । ଡେଭିଡ ୱାର୍ନରଙ୍କ ଏହି ରେକର୍ଡ କୋଲକାତା ନାଇଟ୍ ରାଇଡର୍ସ ବିପକ୍ଷରେ ଥିଲା । କେକେଆର୍ ବିପକ୍ଷରେ ରୋହିତ ସର୍ବାଧିକ ଆଇପିଏଲ୍ ରନ୍ (୮୭୫*) ରହିଛି, ୱାର୍ଣ୍ଣରଙ୍କ ୮୨୯ ରନ ରେକର୍ଡ କୁ ଆଜି ରୋହିତ ଶର୍ମା ଅତିକ୍ରମ କରି ନୂଆ ରେକର୍ଡ କରିଛନ୍ତି ।
ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋନା ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ ।
