ଶନିବାର ଦିନ କୋଲକାତା ନାଇଟ୍ ରାଇଡର୍ସ (କେକେଆର୍) ଶେଖ ଜାଏଦ ଷ୍ଟାଡିୟମରେ କିଙ୍ଗସ ଏକାଦଶ ପଞ୍ଜାବ (KXIP)କୁ ବିଜୟ ମୁଁହରୁ ମ୍ୟାଚ ଛଡ଼ାଇ ନେଇଛି । ୧୬୫ର ଏକ ଟାର୍ଗେଟକୁ କେକେଆର୍ ଶେଷ ଦୁଇ ଓଭରରେ ତିନୋଟି ୱିକେଟ୍ ନେଇ ମାତ୍ର ୧୩ ରନ୍ ଦେଇ ମ୍ୟାଚ୍କୁ ୨ ରନ୍ ରେ ଜିତିଯାଇଛି ।
ଅଧିନାୟକ କେ.ଏଲ୍ ରାହୁଲ ଏବଂ ମାୟାନକ ଅଗ୍ରୱାଲଙ୍କ ମଧ୍ୟରେ ୧୧୫ ରନ୍ ବିଶିଷ୍ଟ ଓପନିଂ ଷ୍ଟାଣ୍ଡ ଯୋଗୁଁ KXIP ର ସ୍ଥିତି ମଜଭୁତ ଥିଲା ଏବଂ ୧୮ ତମ ପ୍ରାରମ୍ଭରେ ୧୪୩/୧ ଥିଲା, ୧୮ ଟି ବଲରୁ ଜିତିବା ପାଇଁ ମାତ୍ର ୨୨ ର ଆବଶ୍ୟକତା ଥିଲା ।
ସୁନୀଲ ନାରିନ (୨/୨୮) ମାତ୍ର ଦୁଇଟି ରନ୍ ଦେଇ ବିପଜ୍ଜନକ ନିକୋଲାସ୍ ପୁରାନ୍ (16) ଙ୍କ ୱିକେଟ୍ ନେଇଥିଲେ ଯାହା ପରେ ପ୍ରସାଦ କୃଷ୍ଣ (3/29) ରାହୁଲ (74) ଙ୍କ ସମେତ ଦୁଇଟି ୱିକେଟ୍ ନେଇଥିଲେ ଏବଂ ୧୯ ତମ ଓଭରରେ ମାତ୍ର ୬ ରନ ହୋଇଥିଲା ।
ନାରିନ ବୋଲିଂ କରିଥିବା ଶେଷ ଓଭରରେ ଜିତିବା ପାଇଁ KXIP କୁ ୧୪ ଆବଶ୍ୟକ କରିଥିଲା । ଗ୍ଲେନ୍ ମ୍ୟାକ୍ସୱେଲ (୧୦) ଦ୍ୱିତୀୟ ବଳରେ ଚୌକ ମାରି ଏକ ସିଙ୍ଗିଲ ରନ ନେଇଥିଲେ । ଶେଷ ଦୁଇଟି ବଲ୍ ରେ ଆଉ ୭ ରନ ଥିଲା ଜିତିବା ପାଇଁ ।
ତେବେ ମନଦୀପ ସିଂ (୦) ମିଡୱିକେଟ୍ ରେ ଆଉଟ୍ ହୋଇଥିଲେ, ଜିତିବା ପାଇଁ ୭ ରନ ଦରକାର ଥିଲା ହେଲେ ମ୍ୟାକ୍ସୱେଲ ସୁପର ଓଭରକୁ ନେବା ପାଇଁ ଶେଷ ବଲରେ ଛକା ମାରିଥିଲେ । ସେ ବଲ୍ କଭର ଉପରେ ମାରିଥିଲେ କିନ୍ତୁ ସୀମା ସାମ୍ନାରେ ଆଉ ମାତ୍ର ଏକ ଇଞ୍ଚ ପାଇଁ ମ୍ୟାଚଟି ହାତରୁ ଚାଲି ଗଲା ଏବଂ ଅମ୍ପାୟାର ଚୌକ ଘୋଷଣା କରିଥିଲେ । ଯଦି ଆଉ ଏକ ଇଞ୍ଚ ଆଗକୁ ବଲ ପଡିଥାନ୍ତା ତାହାଲେ ମ୍ୟାଚ ସୁପର ଓଭରକୁ ଯାଇଥାନ୍ତା । ଶେଷ ଆଶା ଥିଲା ମ୍ୟାଚକୁ ସୁପର ଓଭରକୁ ନେବା ପାଇଁ ଏବଂ ଜିତିବା ପାଇଁ ଆଉ ଏକ ସୁଯୋଗ ମିଳିଥାନ୍ତା ପଞ୍ଜାବକୁ । ହେଲେ ସେଇ ଏକ ଇଞ୍ଚ ପଞ୍ଜାବ ହାତରୁ ମ୍ୟାଚ ଛଡେଇ ନେଲା ।
ଏହାପୂର୍ବରୁ କେକେଆର ଅଧିନାୟକ ଦୀନେଶ କାର୍ତ୍ତିକ ଶେଷରେ ଫର୍ମ ପାଇଥିଲେ କାରଣ ସେ ୨୯ ଟି ବଲରୁ ୫୮ ମାରି କିଙ୍ଗସ ଏକାଦଶ ପଞ୍ଜାବ ବିପକ୍ଷରେ ୧୬୪/୪ ସ୍କୋର ପାଇଁ ସହଯୋଗ କରିଥିଲେ ।
ଚାଲିଥିବା ଆଇପିଏଲ୍ ସିଜିନରେ ଏହା କାର୍ତ୍ତିକଙ୍କର ପ୍ରଥମ ଅର୍ଦ୍ଧଶତକ ଥିଲାବେଳେ ଶୁଭମାନ ଗିଲ (୫୭) ମଧ୍ୟ ଟୁର୍ନାମେଣ୍ଟର ଦ୍ୱିତୀୟ ଅର୍ଦ୍ଧଶତକ ଥିଲା ।
ସଂକ୍ଷିପ୍ତ ସ୍କୋର:
KKR ୧୬୪/୬ ୨୦ ଓଭର (ଦୀନେଶ କାର୍ତ୍ତିକ ୫୮, ଗିଲ ୫୭, ଅର୍ଶଦୀପ ସିଂ ୧/୨୫) ବନାମ
KXIP ୧୬୨/୫ (କେ.ଏଲ୍ ରାହୁଲ ୭୪, ମାୟାନକ ଅଗ୍ରୱାଲ ୫୬; ପ୍ରସାଦ କୃଷ୍ଣ ୩/୨୯)
ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋନା ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ ।
