ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୦ ର ୪୨ ତମ ମ୍ୟାଚ୍ ରେ କୋଲକାତା ନାଇଟ୍ ରାଇଡର୍ସ ଦିଲ୍ଲୀ ରାଜଧାନୀ ବୋଲରମାନଙ୍କୁ କଡ଼ା ଜବାବ ଦେଇଛି । ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇଡର୍ସ ୨୦ ଓଭରରେ ୬ ୱିକେଟ୍ ହରାଇ ୧୯୪ ରନ୍ ସଂଗ୍ରହ କରିଥିଲେ । କେକେଆରକୁ ଏତେ ଭଲ ସ୍କୋରରେ ପହଞ୍ଚିବାରେ ନୀତୀଶ ରାଣାଙ୍କର ସବୁଠାରୁ ବଡ ହାତ ଥିଲା । ଏହି ବାମହାତୀ ବ୍ୟାଟ୍ସମ୍ୟାନ୍ ୫୩ ବଲରେ ୮୧ ରନ୍ ସଂଗ୍ରହ କରିଥିଲେ । ନୀତୀଶ ରାଣା ମଧ୍ୟ ତାଙ୍କ ଇନିଂସ ସମୟରେ ଏକ ସ୍ୱତନ୍ତ୍ର ନାମ ଜର୍ସି ଉଠାଇଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆସନ୍ତୁ ଜାଣିବା କ’ଣ ପାଇଁ ଏମିତି କରିଥିଲେ ।
ନୀତୀଶ ରାଣା ଶ୍ୱଶୁର ପାଇଁ ଜର୍ସି ଉଠାଇଲେ:
ଦିଲ୍ଲୀ ରାଜଧାନୀ ବିପକ୍ଷରେ ୩୫ ଟି ବଲରେ ନୀତୀଶ ରାଣା ଅର୍ଦ୍ଧଶତକ ହାସଲ କରିଥିଲେ । ଅର୍ଦ୍ଧଶତକ ହାସଲ କରିବା ପରେ ନୀତୀଶ ରାଣା ଦ୍ୱାଦଶ ଖେଳାଳି ରିଙ୍କୁଙ୍କ ନିକଟରେ ପହଞ୍ଚିଥିଲେ ଏବଂ ସେ ନୀତୀଶ ରାଣାଙ୍କୁ ଏକ ଜର୍ସି ଦେଇଥିଲେ । ସୁରିନ୍ଦର ନାମ ଲେଖାଯାଇଥିବା ଜର୍ସିକୁ ଅର୍ଦ୍ଧ ଶତକ କରିବା ପରେ ନୀତୀଶ ରାଣା ଉଠାଇଥିଲେ । ସୁରିନ୍ଦର ନୀତୀଶ ରାଣାଙ୍କ ଶ୍ୱଶୁରଙ୍କ ନାମ, ଯିଏ ଶୁକ୍ରବାର ଦିନ ମୃତ୍ୟୁ ବରଣ କରିଛନ୍ତି । ଶ୍ୱଶୁରଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ନୀତୀଶ ରାଣା ଅର୍ଦ୍ଧ ଶତକ ପରେ ଜର୍ସି ହଲାଇଥିଲେ ।
Sent in to open the innings, @NitishRana_27 responds with a fine 5️⃣0️⃣ and dedicates it to his father in law, who passed away yesterday.#Dream11IPL pic.twitter.com/1LUINkpqpe
— IndianPremierLeague (@IPL) October 24, 2020
ଦୁଃଖ ସତ୍ତ୍ୱେ ପଡ଼ିଆରେ ଆଶ୍ଚର୍ଯ୍ୟଜନକ ପ୍ରଦର୍ଶନ:
ଏତେ ବଡ ଦୁଃଖ ସତ୍ତ୍ୱେ ନୀତୀଶ ରାଣା କେବଳ ଗ୍ରାଉଣ୍ଡକୁ ଆସିନାହାଁନ୍ତି ବରଂ ସେ ଏହି ସିଜନର ଶ୍ରେଷ୍ଠ ବ୍ୟକ୍ତିଗତ ଇନିଂସ ଖେଳିଥିଲେ । ଦିଲ୍ଲୀ ବିପକ୍ଷରେ ଓପନିଂ ପାଇଁ ନୀତୀଶ ରାଣା ଅବତରଣ କରିଥିଲେ ଏବଂ ସେ ୧୩ ଚୌକା ଓ ୧ ଛକା ସହାୟତାରେ ୮୧ ରନ୍ ସଂଗ୍ରହ କରିଥିଲେ । ନୀତୀଶ ରାଣାଙ୍କ ଷ୍ଟ୍ରାଇକ୍ ହାର ୧୫୨ ରୁ ଅଧିକ ଥିଲା । ଏକ ସମୟ ଥିଲା ଯେତେବେଳେ କୋଲକାତା ୭.୨ ଓଭରରେ ମାତ୍ର ୪୨ ରନ୍ ପାଇଁ ୩ ୱିକେଟ୍ ହରାଇଥିଲା, କିନ୍ତୁ ଏହା ପରେ ନୀତୀଶ ରାଣା ସୁନୀଲ ନାରିନଙ୍କ ସହ ୧୧୫ ରନ୍ ଭାଗିଦାରୀ କରି ଏକ ବଡ଼ ସ୍କୋରରେ ପହଞ୍ଚିଥିଲେ । ସୁନୀଲ ନାରିନ ମଧ୍ୟ ଝଡ଼ତୋଫାନ ପରି ବ୍ୟାଟିଂ କରି ୩୨ ବଲରେ ୬୪ ରନ ସ୍କୋର କରିଥିଲେ । ଏହି ବାମହାତୀ ବ୍ୟାଟ୍ସମ୍ୟାନ୍ ୪ ଟି ଛକା ଓ ୬ ଟି ଚୌକା ମାରିଥିଲେ ।
ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋନା ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ ।
