ରଥଯାତ୍ରା ପାଇଁ ଆସିଲା ଖୁସି ଖବର, ଆଜି ଅପେକ୍ଷାର ଅନ୍ତ ଘଟିଛି । ବଡ ଖୁସିର କଥା ହେଲା ସୁପ୍ରିମକୋର୍ଟ ପୁରୀରେ ରଥଯାତ୍ରା ପାଇଁ ଅନୁମତି ଦେଇଛନ୍ତି । ଶହ ଶହ ବର୍ଷରୁ ହୋଇଆସୁଥିବା ରଥଯାତ୍ରା ଚଳିତବର୍ଷ କେବଳ ପୁରୀରେ କଡା କଟକଣା ଭିତରେ ଭକ୍ତ ଶୂନ୍ୟରେ ରଥଯାତ୍ରା କରିବାକୁ ସୁପ୍ରିମକୋର୍ଟ ଆଦେଶ ଦେଇଛି । ପ୍ରଥମେ କରୋନା ଭାଇରସ ପାଇଁ ରଥଯାତ୍ରା ହେବ ନାହିଁ ବୋଲି ସୁପ୍ରିମକୋର୍ଟ ଆଦେଶ ଦେଇଥିଲା ।
ସୁପ୍ରିମକୋର୍ଟ ଆଦେଶକୁ ଭକ୍ତ ମାନଙ୍କୁ ବହୁତ ଦୁଃଖ ଦେଇଥିଲା । ଫଳରେ ମନ୍ଦିର ପରିଚାଳନା କମିଟି ସୁପ୍ରିମକୋର୍ଟଙ୍କୁ ପୁନର୍ବିଚାର ପାଇଁ ୨ଟି ପିଟିସନ ଦେଇଥିଲେ । ଆଜି ତାହା ଶୁଣାଣି କଲେ ସୁପ୍ରିମକୋର୍ଟ, ସଫଳ ହୋଇ ମନ୍ଦିର କମିଟିଙ୍କ ପରିଶ୍ରମ । ଭକ୍ତମାନଙ୍କ ଡାକାଶୁଣିଲେ ମହାପ୍ରଭୁ, ବଡଦାଣ୍ଡ ରେ ଗଡିବ ରଥ । ମୁଖ୍ୟ ବିଚାରପତି ଏସ.ଏ. ବୋବୋଡେ କହିଛନ୍ତି ଯେ ଆମେ କେବଳ ପୁରୀରେ ରଥଯାତ୍ରା ପାଇଁ ଅନୁମତି ଦେଉଛୁ ଆଉ ଓଡ଼ିଶାର କୌଣସି ସ୍ଥାନରେ ରଥ ଯାତ୍ରା ହେବ ନାହିଁ ।
କରୋନା ମହାମାରୀ ସଂକ୍ରମଣକୁ ଆଖି ଆଗରେ ରଖି ଚଳିତ ବର୍ଷ ରଥ ଯାତ୍ରା ହୋଇପାରିବ ନାହିଁ ବୋଲି ଗତ ୧୮ ତାରିଖରେ ସୁପ୍ରିମକୋର୍ଟର ପ୍ରଧାନ ବିଚାରପତି ଏସ.ଏ. ବୋବୋଡେ ଶହ ଏକ ତିନି ଜଣିଆ ଖଣ୍ଡପୀଠ କହିଥିଲେ । ଏହାସହ ସେ କହିଥିଲେ ଯଦି ଆମେ ରଥଯାତ୍ରା ପାଇଁ ଅନୁମତି ଦେବୁ ତେବେ ମହାପ୍ରଭୁ ଜଗନ୍ନାଥ ଆମକୁ କେବେ କ୍ଷମା କରିବେ ନାହିଁ ।
ରଥଯାତ୍ରା ହେବ ପାଇଁ ସୁପ୍ରିମକୋର୍ଟରେ ପୁନର୍ବିଚାର
ରଥଯାତ୍ରା ହେବ ପାଇଁ ସୁପ୍ରିମକୋର୍ଟରେ ପୁନର୍ବିଚାର ପାଇଁ କିଛି ରିଭ୍ୟୁ ପିଟିସନ ଦାଖଲ କରାଯାଇଥିଲା । ଆଜି ସୁପ୍ରିମକୋର୍ଟର ବିଚାରପତି ଜଷ୍ଟସ ଏସ ରବୀନ୍ଦ୍ର ଭଟ୍ଟଙ୍କ ଜଣିକିଆ ବେଞ୍ଚରେ ଏହି ମାମଲାର ବିଚାର ହୋଇଥିଲା । ରାଜ୍ୟ ସରକାର ଏହି ସପକ୍ଷରେ ଥିଲେ । ଓଡିଶା ସରକାରଙ୍କ ପକ୍ଷରୁ ଏକ ସତ୍ୟ ପାଠ ଦାଖଲ କରାଯାଇଥିଲା । ପୁରୀରେ ଲକ୍ଷାଧିକ ଭକ୍ତଙ୍କୁ ନେଇ ରଥ ଯାତ୍ରା ହୋଇଥାଏ । କିନ୍ତୁ ଏବର୍ଷ ସେମିତି ହେବ ନାହିଁ କେବଳ ସେବାୟତ ଓ ଅନ୍ୟାନ୍ୟ ଜରୁରୀ ବ୍ୟବସ୍ଥା ରାଜ୍ୟ ସରକାର କରିବେ ବୋଲି କହିଥିଲେ ।
ଏହାସହ କେନ୍ଦ୍ର ସରକାରଙ୍କ ପକ୍ଷରେ ଥିବା ତୁଷାର ମେହେଟ୍ଟା ସୁପ୍ରିମ କୋର୍ଟ ରେ କହିଥିଲେ ଯେ ରଥ ଯାତ୍ରା ଶହ ଶହ ବର୍ଷ ଧରି ହୋଇ ଆସୁଛି । ଏହାକୁ ହଠାତ ବନ୍ଦ କରି ହେବ ନାହିଁ । ଯଦି ଏହାକୁ ବନ୍ଦ କରାଯିବ ତେବେ ଶ୍ରୀଜିଉ ଆସନ୍ତା ୧୨ ବର୍ଷ ପର୍ଯ୍ୟନ୍ତ ରଥଯାତ୍ରାରେ ବାହାରି ପାରିବେ ନାହିଁ । ତେଣୁ ପୁରୀରେ ଗୋଟିଏ ଦିନ କର୍ଫ୍ୟୁ ଜାରି କରିକି ଏହି ରଥଯାତ୍ରା କୁ ଅନୁମତି ଦିଆଯାଉ । ସେ ଓଡିଶା ସରକାରଙ୍କ ସପକ୍ଷରୁ ଯୁକ୍ତି ବାଢ଼ିଥିଲେ । ଏହାପରେ ସୁପ୍ରିମକୋର୍ଟ ର ବିଚାରପତି ଏସ ରବୀନ୍ଦ୍ର ଭଟ୍ଟଙ୍କ ଜଣିକିଆ ବେଞ୍ଚ ଏହି ମାମଲା କୁ ଏକ ବୃହତ୍ତର ଖଣ୍ଡପୀଠ କୁ ପଠାଇଥିଲେ ।
ଏହାପରେ ଏହି ମାମଲା ସୁପ୍ରିମକୋର୍ଟ ପ୍ରଧାନବିଚାରପତି ଜଷ୍ଟିସ ଏସ.ଏ ବୋବୋଡେଙ୍କ ନେତୃତ୍ୱାଧୀନ ଏକ ତିନିଜଣିଆ ଖଣ୍ଡପୀଠରେ ବିଚାର ହୋଇଥିଲା । ସୁପ୍ରିମ୍କୋର୍ଟ ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବଡେଙ୍କ ସହିତ ଏହି ମାମଲାର ଶୁଣାଣି କରିଥିଲେ ଜଷ୍ଟିସ୍ ଏ ଏସ୍ ବୋପାନ୍ନା ଓ ଜଷ୍ଟିସ୍ ଦୀନେଶ ମାହେଶ୍ୱରୀ । କେନ୍ଦ୍ରସରକାରଙ୍କ ପକ୍ଷରୁ ତୁଷାର ମେହେଟ୍ଟା ଓ ଓଡିଶା ସରକାରଙ୍କ ପକ୍ଷରୁ ହରିଶ ସାଲାଭେ ଏହି ମାମଲାର ପରିଚାଳନା କରୁଥିଲେ ।
ବନ୍ଧୁଗଣ ଏମିତି ସବୁବେଳେ ସମସ୍ତ ଖବର ପ୍ରତିଦିନ ପାଇବା ପାଇଁ ଆମର ଏହି ପୋର୍ଟାଲ କୁ ଫୋଲୋ କରନ୍ତୁ । ଯଦି ଏହି ଖବର ଟି ଆପଣଙ୍କ ମନକୁ ପସନ୍ଦ ଆସିଲା ତେବେ ଏହାକୁ ଲାଇକ କରନ୍ତୁ ଓ ସାଙ୍ଗ ମାନଙ୍କୁ ଶେୟର କରନ୍ତୁ ।
