ରଥଯାତ୍ରା ପାଇଁ ପୁଣି ଆଶା ବଢେଇଛନ୍ତି । ସର୍ବୋଚ୍ଚ ନ୍ୟାୟାଳୟର ରାୟକୁ ବିରୋଧ କରି ପିଟିସନ ପରେ ପିଟିସନ ମଧ୍ୟ ଦାଖଲ କରାଯାଇଛି । ସେପଟେ ଆଜିଠାରୁ ସୁପ୍ରିମକୋର୍ଟର ଗ୍ରୀଷ୍ମକାଳୀନ ଅବକାଶ ଏବେ ପ୍ରଶ୍ନ ଉଠିଛି କେମିତି ହେବ ରଥଯାତ୍ରା ମାମଲା ଶୁଣାଣି ? କୋର୍ଟ ଛୁଟି ରହିବା ଯୋଗୁ କେମିତି ହେବ ଶୁଣାଣି? ଗତ କଲି ଶ୍ରୀଜଗନ୍ନାଥ ମନ୍ଦିର କମିଟି ଏବଂ ଛତିଶା ନିଯୋଗ ମଧ୍ୟରେ ସାଢେ ତିନି ଘଣ୍ଟା ଦାହରି ବୈଠକ ହୋଇଥିଲା । ସୁପ୍ରିମକୋର୍ଟଙ୍କ ରଥଯାତ୍ରା ବନ୍ଦ ରାୟକୁ ନେଇକି ଏହି ବୈଠକରେ ଆଲୋଚନା ହୋଇଥିଲା । ଜଗନ୍ନାଥଙ୍କ ନୀତିକାନ୍ତି କିପରି ସମ୍ପାଦନା କରାଯିବ ଏହା ବି ବୈଠକରେ ଆଲୋଚନା ହୋଇଥିଲା ।
ସୁପ୍ରିମକୋର୍ଟରେ ରଥଯାତ୍ରା ମୋଡିଫିକେସନ୍ ପାଇଁ ଆବେଦନ
ଏହାସହ ସର୍ବୋଚ୍ଚ ନ୍ୟାୟାଳୟର ରାୟକୁ ବିରୋଧ କରି ପିଟିସନ ପରେ ପିଟିସନ ମଧ୍ୟ ଦାଖଲ କରାଚାଲିଛି । ଏହା ଏକ କୋର୍ଟର ବିଚାରାଧୀନ ମାମଲା ହୋଇଥିବାରୁ ଏହାକୁ ନେଇ ସାର୍ବଜନୀନ ଭାବେ ଆଲୋଚନା କରିଥିଲେ ପରିଚାଳନା କମିଟି ଅଧ୍ୟକ୍ଷ ଗଜପତି ଦିବ୍ୟସିଂ ଦେବ । ରଥଯାତ୍ରା ବନ୍ଦ ନହେଇକି କିଛି ବିକଳ୍ପ ପନ୍ଥା ବାଛିବାକୁ ମଧ୍ୟ ଏହା ବିଚାର ହୋଇଥିଲା । ଏତେ ସବୁ କଟକଣା ଭିତରେ ରଥଯାତ୍ରା ହୋଇପାରନ୍ତା କି ନାହିଁ ବୋଲି ମଧ୍ୟ ଆଲୋଚନା ହୋଇଥିଲା । ଏହା ସମସ୍ତଙ୍କ ମତଥିଲା ବୋଲି ଗଜପତି ସୂଚନା ଦେଇଛନ୍ତି ।
ବାସ୍ତବରେ ଦେଖିବାକୁ ଗଲେ ଏହି ବୈଠକରେ ଦୁଇଟି ପ୍ରସଙ୍ଗ ଆଲୋଚନା ହୋଇଥିଲା । ପ୍ରଥମ ପ୍ରସଙ୍ଗରେ ରହିଥିଲା ସୁପ୍ରିମକୋର୍ଟଙ୍କ ରାୟ ଉପରେ ପିଟିସନ ଦାଖଲ କରି ଉଚିତ ଢଙ୍ଗରେ ବିଚାର କରିବାକୁ ସରକାରଙ୍କୁ ଅନୁରୋଧ କରାହୋଇଥିଲା । ଏହାସହ ବହୁତ ଗୁଡ଼ାଏ ପିଟିସନ ଦାଖଲ ହୋଇଥିବାରୁ ଏହାର ଶୁଣାଣି ସୋମବାର ହେବ ବୋଲି ଆଶା କରାଯାଉଛି । ତେଣୁ ସୁପ୍ରିମକୋର୍ଟଙ୍କ ରାୟ ଆସିଲା ପରେ ହିଁ ଅନ୍ୟ ବିକଳ୍ପଗୁଡିକର ଆଲୋଚନା କରାଯିବ । ତେବେ ଏହି ଦୁଇଦିନ ଭିତରେ କିଛି ଆଭ୍ୟନ୍ତରୀଣ ବିକଳ୍ପର ଆଲୋଚନା ହେବ ବୋଲି ଗଜପତି ମହାରାଜ ସୂଚନା ଦେଇଛନ୍ତି ।
ସୁପ୍ରିମକୋର୍ଟ ଦେଇଥିବା ଏକ ମଧ୍ୟବର୍ତ୍ତୀ ରାୟ ଭୁଲ ତଥ୍ୟ ଉପରେ ଆଧାରିତ ବୋଲି କରିଛନ୍ତି ବୋଲି କମିଟି କହିଛନ୍ତି । ମନ୍ଦିର ପରିଚାଳନା କମିଟି ବିନା ଭକ୍ତରେ ରଥଯାତ୍ରା କରିବେ ବୋଲି କହିଥିବା ବେଳେ ରାଜ୍ୟ ସରକାର ଏହା କୋର୍ଟରେ ଉପସ୍ଥାପନା କରି ନାହାନ୍ତି । ତେବେ କାହିଁକି ଏହାକୁ ରାଜ୍ୟ ସରକାର ଗ୍ରହଣ କଲେ ନାହିଁ ବୋଲି ରାଜା ଆଶ୍ଚର୍ଯ୍ୟ ହୋଇଛନ୍ତି । ମନ୍ଦିର ପରିଚାଳନା କମିଟି ରାଜ୍ୟସରକାରଙ୍କ ଅଧୀନରେ ରହିଥିବାରୁ ସରକାରଙ୍କ ନିର୍ଦେଶ ପାଳନ କରିବା କମିଟିର ଦାୟିତ୍ୱ ବୋଲି ମଧ୍ୟ କହିଛନ୍ତି ।
ବନ୍ଧୁଗଣ ଏମିତି ସବୁବେଳେ ସମସ୍ତ ଖବର ପ୍ରତିଦିନ ପାଇବା ପାଇଁ ଆମର ଏହି ପୋର୍ଟାଲ କୁ ଫୋଲୋ କରନ୍ତୁ । ଯଦି ଏହି ଖବର ଟି ଆପଣଙ୍କ ମନକୁ ପସନ୍ଦ ଆସିଲା ତେବେ ଏହାକୁ ଲାଇକ କରନ୍ତୁ ଓ ସାଙ୍ଗ ମାନଙ୍କୁ ଶେୟର କରନ୍ତୁ ।
