କୋଭିଡ୍-୧୯ ଯୋଗୁ ଘୋଷଣା ହୋଇଥିବା ଲକ୍ଡାଉନ ଧୀରେ ଧୀରେ କୋହଳ ହେଉଥିବାରୁ ପେଟ୍ରୋଲ ଡିଜେଲ ଚାହିଦାରେ ପରିବର୍ତ୍ତନ ଦେଖାଯାଇଛି । ଅନ୍ତର୍ଜାତୀୟ ବଜାରରେ ରବିବାର ବ୍ରେଣ୍ଟ ଅଶୋଧିତ ତୈଳ ୪୦% ଡଲାରରୁ ଉର୍ଦ୍ଧ୍ୱକୁ ଟପିବାରୁ ଭାରତରେ ପେଟ୍ରୋଲ ଓ ଡିଜେଲ ଦର ବୃଦ୍ଧି ଘଟିଛି । ପେଟ୍ରୋଲ ଓ ଡିଜେଲ ଦର ଲିଟର ପିଛା ୬୦ ପଇସା ଲେଖାଏ ବଢିଥିବା ଜଣାପଡିଛି । ପ୍ରାୟ ୮୦ ଦିନ ପରେ ତୈଳ ବିପଣନ କମ୍ପାନୀଗୁଡିକ ଇନ୍ଧନର ମୂଳ ମୂଲ୍ୟରେ ପରିବର୍ତ୍ତନ କରିଛନ୍ତି ।
ଶେଷ ଥର ଲାଗି ମାର୍ଚ୍ଚ ୧୬ରେ ପେଟ୍ରୋଲ ଓ ଡିଜେଲ ଦରରେ ପରିବର୍ତ୍ତନ ହୋଇଥିବା ଦେଖାଯାଇଥିଲା । ରାଜ୍ୟ ସରକାରଗୁଡିକ ଭାଟ୍ ଏବଂ ସେସ୍ ବଢାଇବା ଫଳରେ କିଛି ରାଜ୍ୟରେ ଇନ୍ଧନ ମୂଲ୍ୟରେ ମଧ୍ୟ ପରିବର୍ତ୍ତନ ହୋଇଛି । କରୋନା ଯୋଗୁ ରାଜ୍ୟଗୁଡିକୁ ଅଧିକ ଖର୍ଚ୍ଚ କରିବାକୁ ପଡୁ ଥିବାରୁ ଇନ୍ଧନ ଉପରେ କିଛି ରାଜ୍ୟ ଟିକସ ବୃଦ୍ଧି କରିଥିବା ନଜରକୁ ଆସିଛି ।
ମୂଲ୍ୟ ବୃଦ୍ଧି ଫଳରେ ନୂଆଦିଲ୍ଲୀରେ ପେଟ୍ରୋଲ ଓ ଡିଜେଲ ଯଥାକ୍ରମେ ୭୧.୮୬ ଏବଂ ୬୯.୯୯ ଟଙ୍କା ରହିଛି ।
ଗତ ମାସରେ କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଉପରେ ଯଥାକ୍ରମେ ଲିଟର ପିଛା ୧୦ ଟଙ୍କା ଓ ୧୩ ଟଙ୍କା ମୂଲ୍ୟ ବଢାଇଥିଲେ । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ନିମ୍ନରେ ରହିଥିବାରୁ ଇନ୍ଧନର ମୂଳ ମୂଲ୍ୟରେ ବୃଦ୍ଧି ହୋଇ ନ ଥିଲା । ତେଲ କମ୍ପାନୀଗୁଡିକ ଟିକସ ବୃଦ୍ଧିକୁ ନିଜ ମଧ୍ୟରେ ବ୍ୟବସ୍ଥିତ କରିଥିଲେ । ଫଳରେ ଇନ୍ଧନର ରିଟେଲ ମୂଲ୍ୟରେ କୌଣସି ପରିବର୍ତ୍ତନ ଦେଖାଯାଇ ନ ଥିଲା ।
ବଢିଲା ପେଟ୍ରୋଲ ଓ ଡିଜେଲର ଦର
ବର୍ତ୍ତମାନ ଇନ୍ଧନ ଦରକୁ ପ୍ରତିଦିନ ରିଭ୍ୟୁ କରାଯାଉଛି । ଭାରତ ଏହାର ମୋଟ ଇନ୍ଧନ ଆବଶ୍ୟକତାର ୮୦% ଆମଦାନୀ ଦ୍ୱାରା ପୂରଣ କରୁଛି । ରବିବାର ବ୍ରେଣ୍ଟ କ୍ରୁଡ ୩ ମାସର ସର୍ବୋଚ୍ଚ ସ୍ତରରେ ରହିଛି । ଏହାର ବ୍ୟାରେଲ ପିଛା ଦର ୪୨%ରୁ ଉର୍ଦ୍ଧ୍ୱ ରହିଛି । ଏପ୍ରିଲ ମାସରେ ଏହା ୨୦ ଡଲାର ତଳକୁ ଖସି ଯାଇଥିଲା । ଲକଡାଉନ ପାଇଁ ଗାଡି ମଟର ଏବଂ କଳକାରଖାନା ବନ୍ଦ ରହିବା ଯୋଗୁ ଇନ୍ଧନ ଚାହିଦା ଖସି ଯାଇଛି ।
ଚଳିତ ବର୍ଷ ଏପ୍ରିଲରେ ପେଟ୍ରୋଲିୟମ ଚାହିଦା ୪୬% ନିମ୍ନରେ ରହିଛି । ଏହି ସମୟରେ ପେଟ୍ରୋଲ, ଡିଜେଲ ଏବଂ ବିମାନ ଇନ୍ଧନ ବା ଏଟିଏଫ୍ ବିକ୍ରି ଯଥାକ୍ରମେ ୬୧%, ୫୬.୭% ଏବଂ ୯୧.୫% ଖସିଛି ବୋଲି ଇଣ୍ଡିଆନ ଅଏଲ ପକ୍ଷରୁ ସୂଚନା ରହିଛି । ମେ ମାସରେ କେନ୍ଦ୍ର ଏବଂ ରାଜ୍ୟ ସରକାରଗୁଡିକ କଟକଣା ଧୀରେ ଧୀରେ ହଟାଇବା ଯୋଗୁ ଇନ୍ଧନ ବିକ୍ରିରେ ପରିବର୍ତ୍ତନ ଆସୁଥିବା ନଜରକୁ ଆସିଛି । ଏପ୍ରିଲ ମାସ ତୁଳନାରେ ମେ ମାସରେ ଉନ୍ନତି ପରିଲକ୍ଷିତ ହୋଇଛି । ହେଲେ ୨୦୧୯ ମେ କଥା ବିଚାରକୁ ନେଲେ ଇନ୍ଧନ ବିକ୍ରି ୩୮.୯% ନିମ୍ନରେ ରହିଛି । ବର୍ତ୍ତମାନ ଅନ୍ଲକ ୧ ଘୋଷଣା ହୋଇଥିବାରୁ ସୋମବାରଠାରୁ ମଲ ଖୋଲିବ । ଏହା ହେଲେ ସ୍ଥିତିରେ ଆହୁରି ପରିବର୍ତ୍ତନ ଦେଖାଯିବ ବୋଲି ଶିଳ୍ପ ସୂତ୍ରରୁ ସୂଚନା ରହିଛି । ଏମିତି ସବୁବେଳେ ସମସ୍ତ ଖବର ପ୍ରତିଦିନ ପଢିବା ପାଇଁ ତଳେ ଲାଇକ କରନ୍ତୁ ଆମ ଫେସବୁକ ପେଜକୁ, ଏହି ପୋଷ୍ଟକୁ ଅଧିକ ଅଧିକ ସେୟାର କରନ୍ତୁ ।
