ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ଦେଶ ଏବେ ଶୋକରେ ଅଛି । ଗୋଟେ ପଟେ ଲୋକ ଏହି ଅଭିନେତାଙ୍କ ପାଇଁ ଦୁଃଖ ଦେଖାଉଛନ୍ତି ତ ଅନ୍ୟ ପଟେ ବଲିଉଡର କିଛି ଅଭିନେତାଙ୍କ ଉପରେ ଲକ୍ଷ୍ୟ ରଖାଯାଇଛି । ସଲମାନ୍ ଖାନଙ୍କୁ ମଧ୍ୟ ଟ୍ରୋଲ୍ ର ସମ୍ମୁଖୀନ ହେବାକୁ ପଡିଥିଲା । ବର୍ତ୍ତମାନ ସଲମାନ୍ ଖାନ୍ ନିଜେ ଏହାର ପ୍ରତିକ୍ରିୟା ଦେଇଛନ୍ତି ।
ସଲମାନ୍ ଖାନଙ୍କ ପ୍ରତିକ୍ରିୟା:
ସଲମାନ ଖାନ ଏକ ଟୁଇଟରେ ସୁଶାନ୍ତଙ୍କ ପରିବାରକୁ ସମର୍ଥନ କରିବାକୁ ସମସ୍ତଙ୍କୁ ନିବେଦନ କରିଛନ୍ତି । ସେ ଟୁଇଟ୍ କରି କହିଛନ୍ତି ଯେ – ମୁଁ ମୋର ସମସ୍ତ ପ୍ରଶଂସକଙ୍କୁ ଅନୁରୋଧ କରୁଛି ଯେ ସୁଶାନ୍ତଙ୍କ ପ୍ରଶଂସକଙ୍କ ସହ ଛିଡା ହୁଅନ୍ତୁ ଏବଂ ଖରାପ ଭାଷା ବ୍ୟବହାର କରନ୍ତୁ ନାହିଁ । ତାଙ୍କ ଭାବନାକୁ ବୁଝିବାକୁ ଚେଷ୍ଟା କରନ୍ତୁ । ଏହି ସଙ୍କଟ ସମୟରେ ସୁଶାନ୍ତଙ୍କ ପରିବାରକୁ ସମର୍ଥନ କରାଯିବା ଉଚିତ୍ । ଏହି ସମୟଟି ଅତ୍ୟନ୍ତ ଯନ୍ତ୍ରଣାଦାୟକ ଅଟେ ।
ବର୍ତ୍ତମାନ ସଲମାନ ଖାନଙ୍କ ନାମରେ ଗତ କିଛି ଦିନ ହେବ ଅନେକ ପ୍ରକାରର ଅଭିଯୋଗ କରାଯାଉଛି । ଡବଙ୍ଗ ନିର୍ଦ୍ଦେଶକ ଅଭିନବ କାଶ୍ୟପ ସଲମାନ ଖାନ ଓ ତାଙ୍କ ପରିବାର ବିରୋଧରେ ମଧ୍ୟ ଅନେକ ଅଭିଯୋଗ କରିଛନ୍ତି । ସେ ତାଙ୍କ କ୍ୟାରିଅରକୁ ନଷ୍ଟ କରିଥିବାରୁ ସଲମାନଙ୍କୁ ଦାୟୀ କରିଛନ୍ତି । ଏଥି ସହିତ ସିଙ୍ଗର ସୋନୁ ନିଗମ ମଧ୍ୟ ସଲମାନ ଖାନଙ୍କୁ ଇଶାରାରେ ଟାର୍ଗେଟ କରିଛନ୍ତି ।
୧୪ ଜୁନ୍ ରେ ଅଭିନେତା ସୁଶାନ୍ତ ସିଂ ରାଜପୁତ ତାଙ୍କ ମୁମ୍ବାଇ ଫ୍ଲାଟରେ ଆତ୍ମହତ୍ୟା କରିଥିଲେ । ବର୍ତ୍ତମାନ ପୋଲିସ ଏହି ଘଟଣାର ଅନୁସନ୍ଧାନ କରୁଛି ଏବଂ ଅଭିନେତାଙ୍କ ସହ ଜଡିତ ଥିବା ପ୍ରତ୍ୟେକ ବ୍ୟକ୍ତିଙ୍କୁ ପଚରାଉଚରା କରୁଛି । ନିକଟରେ ତାଙ୍କ ଘନିଷ୍ଠ ବନ୍ଧୁ ରିୟା ଚକ୍ରବର୍ତ୍ତୀଙ୍କୁ ମଧ୍ୟ ପୋଲିସ ପଚରାଉଚରା କରିଥିଲା । ଏପର୍ଯ୍ୟନ୍ତ ପ୍ରାୟ ୧୫ ଜଣଙ୍କର ବୟାନ ରେକର୍ଡ କରାଯାଇଛି ।
ବନ୍ଧୁଗଣ ଏମିତି ସବୁବେଳେ ସମସ୍ତ ଖବର ପ୍ରତିଦିନ ପାଇବା ପାଇଁ ଆମର ଏହି ପୋର୍ଟାଲ କୁ ଫୋଲୋ କରନ୍ତୁ । ଯଦି ଏହି ଖବର ଟି ଆପଣଙ୍କ ମନକୁ ପସନ୍ଦ ଆସିଲା ତେବେ ଏହାକୁ ଲାଇକ କରନ୍ତୁ ଓ ସାଙ୍ଗ ମାନଙ୍କୁ ଶେୟର କରନ୍ତୁ ।
