କରୋନା ସଙ୍କଟ କାରଣରୁ ଦେଶର ଶିକ୍ଷା ବ୍ୟବସ୍ଥା ମଧ୍ୟ ଗୁରୁତର ଭାବେ ପ୍ରଭାବିତ ହୋଇଛି । କରୋନା ଭାଇରସ୍ ଲକ୍ଡାଉନ୍ କାରଣରୁ ମାର୍ଚ୍ଚ ମାସରୁ ସ୍କୁଲ-କଲେଜ୍ ବନ୍ଦ ରହିଛି । ହେଲେ ଅଗଷ୍ଟ ମାସରେ ସ୍କୁଲ-କଲେଜ୍ ଖୋଲିବାର ସମ୍ଭାବନା ରହିଛି । ଦେଶର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ ନିଶଙ୍କ ବିବିସିକୁ ଦେଇଥିବା ସାକ୍ଷାତକାରରେ କହିଛନ୍ତି, ସମଗ୍ର ଦେଶରେ ବନ୍ଦ ରହିଥିବା ଶିକ୍ଷାନୁଷ୍ଠାନ ଅଗଷ୍ଟ ପରେ ଖୋଲା ଯାଇପାରେ । ପୂରା ଦେଶରେ ମାର୍ଚ୍ଚ ୧୬ରୁ ସ୍କୁଲ ଓ କଲେଜ୍ ବନ୍ଦ ରହିଛି । ସମଗ୍ର ଦେଶର ପ୍ରାୟ ୩୩ କୋଟି ଛାତ୍ର ସଂପ୍ରତି ଏହି ଭ୍ରମରେ ପଡି ଯାଇଛନ୍ତି ଯେ, କେବେ ସ୍କୁଲ ଖୋଲିବ । ସେମାନେ ସ୍କୁଲ-କଲେଜ୍ କେବେ ଖୋଲିବ ତାହା ଶୁଣିବାକୁ ଅପେକ୍ଷା କରି ରହିଛନ୍ତି ।
ମେ ମାସରେ ମିଳିଥିବା ଏକ ରିପୋର୍ଟ ଅନୁସାରେ ଏହା କୁହାଯାଉଥିଲା ଯେ, ସ୍କୁଲ ଓ କଲେଜ୍ ଜୁଲାଇ ମାସରେ ଖୋଲା ଯାଇପାରେ ।
ଏହି ସମୟରେ ଶିକ୍ଷାନୁଷ୍ଠାନଗୁଡିକରେ ୩୦ ପ୍ରତିଶତ ଛାତ୍ର-ଛାତ୍ରୀ ଉପସ୍ଥିତ ରହି ପାରନ୍ତି ବୋଲି କୁହାଯାଉଥିଲା । ଏହା ସହିତ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପିଲାମାନେ ଘରେ ରହିବେ । ଏହା ମଧ୍ୟ କୁହାଯାଉଥିଲା ଗ୍ରୀନ ଓ ଅରେଞ୍ଜ ଜୋନ୍ରେ ଶିକ୍ଷାନୁଷ୍ଠାନକୁ ଖୋଲି ଦିଆଯିବ । ଏହି ସମୟରେ ସାମାଜିକ ଦୂରତା ନିୟମ କଡାକଡି ପାଳନ କରାଯିବ । ଏହା ବ୍ୟତୀତ ସ୍କୁଲର ସଞ୍ଚାଳନ ଦିନକୁ ଦୁଇଟି ପର୍ଯ୍ୟାୟରେ ହେବ ।
ଇଣ୍ଡିଆ ଟୁଡେର ଖବର ଅନୁଯାୟୀ, ଦେଶର ମାନବ ସମ୍ବଳ ବିକାଶ ମନ୍ତ୍ରଣାଳୟ ରମେଶ ପୋଖରିୟାଲ ନିଶଙ୍କ କହିଛନ୍ତି, ସ୍କୁଲ ଅଗଷ୍ଟ ମାସ ପରେ ଖୋଲିପାରେ । ଏହି ମାମଲାରେ ଛାତ୍ର, ଅଭିଭାବକ ଓ ଶିକ୍ଷକଙ୍କ ମଧ୍ୟରେ ଭ୍ରମାତ୍ମକ ସ୍ଥିତି ଲାଗି ରହିଛି । କିନ୍ତୁ ନିଶଙ୍କ କହିଛନ୍ତି ସ୍କୁଲ ଓ କଲେଜକୁ ଅଗଷ୍ଟ ପରେ ପୁଣି ଥରେ ଖୋଲି ଦିଆଯିବ । ହୋଇପାରେ ଅଗଷ୍ଟ ୧୫ ପରେ ସ୍କୁଲ-କଲେଜ୍ ଖୋଲା ଯାଇପାରେ ।
ମାନବ ସମ୍ବଳ ମନ୍ତ୍ରୀ କହିଛନ୍ତି, ଆମେ ଉଦ୍ୟମ କରୁଛୁ ଯେ, ଅଗଷ୍ଟ ୧୫ ସୁଦ୍ଧା ସବୁ ପରୀକ୍ଷାର ସବୁ ରେଜଲ୍ଟ ଘୋଷଣା ହୋଇଯାଉ । ତେଣୁ ଆମେ ଆଶା କରୁଛୁ ଅଗଷ୍ଟ ମାସରେ ସ୍କୁଲ-କଲେଜ ଖୋଲିଯିବ । ଏମିତି ସବୁବେଳେ ସମସ୍ତ ଖବର ପ୍ରତିଦିନ ପଢିବା ପାଇଁ ତଳେ ଲାଇକ କରନ୍ତୁ ଆମ ଫେସବୁକ ପେଜକୁ, ଏହି ପୋଷ୍ଟକୁ ଅଧିକ ଅଧିକ ସେୟାର କରନ୍ତୁ ।
