ବୈଜ୍ଞାନିକ ମାନଙ୍କର ପରାମର୍ଶ, ମାସ୍କ୍ ପିନ୍ଧିଲା ବେଳେ ଏହି ସବୁ ଭୁଲ କରନ୍ତୁ ନାହିଁ ।

କରୋନା ମହାମାରୀ ସମଗ୍ର ବିଶ୍ୱରେ ଆତଙ୍କ ସୃଷ୍ଟି କରିଛି । କରୋନା ମହାମାରୀ ହୁ ହୁ ହୋଇ ସାରା ବିଶ୍ୱରେ ମାଡିଚାଲିଛି । ଏବେ ସାରା ବିଶ୍ୱ କରୋନା ବିରୁଦ୍ଧରେ ଲଢେଇକରୁଛି । କରୋନା ପାଇଁ ବିଶ୍ୱରେ ଏକ ଆତଙ୍କର ଲହରୀ ଖେଳିଯାଇଛି । କରୋନା ମହାମାରୀ ବିଶ୍ୱରେ ୯୯,୩୯,୮୧୩ ଜଣଙ୍କୁ ସଂକ୍ରମିତ ହୋଇସାରିଲାଣି ଏବଂ ୪,୯୭,୪୪୨ ଜଣଙ୍କର ମୃତ୍ୟୁ ହୋଇଛି । ଆଉ ୫୦,୦୯,୫୧୧ ଜଣ ଆରୋଗ୍ୟ ହେଲେଣି । ଚାଇନାର ବୁହାନ ସହରରୁ ଆରମ୍ଭ ହୋଇଥିବା ଏହି ମହାମାରୀ ସାରା ବିଶ୍ୱକୁ ପ୍ରଭାବିତ କରିସାରିଛି । ଆମେରିକାରେ ସର୍ବାଧିକ ପ୍ରଭାବିତ ହୋଇଛି । ଆମେରିକା ବିଶ୍ୱରେ ଏକ ନମ୍ବର ସ୍ଥାନରେ ଅଛି । ଏଠାରେ ମୃତ୍ୟୁ ସଂଖ୍ୟା ୧,୨୭,୪୫୨ ଥିବାବେଳେ ସଂକ୍ରମିତଙ୍କ ସଂଖ୍ୟା ୨୫,୫୬,୪୬୫ କୁ ବୃଦ୍ଧି ପାଇଛି । ଆମେରିକା ପରେ ବ୍ରାଜିଲରେ ସର୍ବାଧିକ ୧୩,୧୫,୯୪୧ ଜଣ ସଂକ୍ରମିତ, ରୁଷରେ ୬,୨୭,୬୪୬ ଏବଂ ଚତୁର୍ଥ ସ୍ଥାନରେ ଭାରତ ରହିଛି । ଭାରତରେ କରୋନା ସଂକ୍ରମିତ ସଂଖ୍ୟା ୫,୦୮,୯୫୩ କୁ ବୃଦ୍ଧି ହୋଇଛି ।

ମାସ୍କ୍ ପିନ୍ଧିବା ସମୟରେ କାଶିବା ମନା:

କରୋନା ଭୂତାଣୁ ପାଇଁ ଏପର୍ଯ୍ୟନ୍ତ ଭ୍ୟାକସିନ ବାହାରିନାହିଁ । କରୋନାରୁ ରକ୍ଷା ପାଇବା ପାଇଁ ବିଶେଷଜ୍ଞମାନେ ମାସ୍କ ପିନ୍ଧିବାକୁ ପରାମର୍ଶ ଦେଉଛନ୍ତି । ସାମାଜିକ ଦୂରତାକୁ ପାଳନ କରିବାକୁ ପରାମର୍ଶ ଦେଉଛନ୍ତି । ନିଜେ ସଚେତନ ରହିବାକୁ ମଧ୍ୟ ପରାମର୍ଶ ଦେଉଛନ୍ତି । ଏହି ସମୟରେ ବୈଜ୍ଞାନିକମାନେ କହିଛନ୍ତି ଯେ ମୁହଁରେ ଲଗାଯାଇଥିବା ମାସ୍କ କରୋନା ଭୂତାଣୁ ବିସ୍ତାର ହେବାର ଆଶଙ୍କାକୁ ହ୍ରାସ କରିଥାଏ, କିନ୍ତୁ ବାରମ୍ବାର କାଶିବା ଦ୍ଵାରା ଏଥିରେ ଲାଗିଥିବା ଫିଲ୍ଟରର କ୍ଷମତା କମିଯାଏ । ସ୍ୱାସ୍ଥ୍ୟସେବା କର୍ମଚାରୀଙ୍କ ପାଇଁ ଏୟାର ଫିଲ୍ଟର ଏବଂ ଫେସ୍ ଘୋଡୋଣି ସହିତ ସଜ୍ଜିତ ହେଲମେଟ ସମେତ ବ୍ୟକ୍ତିଗତ ପ୍ରତିରକ୍ଷା ଉପକରଣ ପିନ୍ଧିବାକୁ ପରାମର୍ଶ ଦିଆଯାଇଛି ।

ସାଇପ୍ରସର ନିକୋସିଆ ବିଶ୍ୱବିଦ୍ୟାଳୟର ତାଲିବ ଦିବୁକ୍ ଏବଂ ଡିମିଟ୍ରିସ୍ ଡ୍ରିକାକିସ୍ ସମେତ ବୈଜ୍ଞାନିକମାନେ କମ୍ପ୍ୟୁଟର ମଡେଲ ବ୍ୟବହାର କରି ଜାଣିବାକୁ ପାଇଛନ୍ତି ଯେ ଯେତେବେଳେ ମାସ୍କ ପିନ୍ଧିଥିବା ବ୍ୟକ୍ତି ବାରମ୍ବାର କାଶି ଥାଆନ୍ତି, ସେତେବେଳେ କାଶରୁ ଆସୁଥିବା ଛୋଟ ଛୋଟ ବୁନ୍ଦାର ପ୍ରବାହର ପ୍ରବୃତ୍ତି କ’ଣ ହୋଇଥାଏ ।

କାଶିବା ବେଳେ ୦୫ ସେକେଣ୍ଡରେ ୧୮ ଫୁଟ ପର୍ଯ୍ୟନ୍ତ ଯାଇଥାଏ ଲାଳ ବୁନ୍ଦା

ଅଧ୍ୟୟନରୁ ଜଣାପଡିଛି ଯେ ଯେତେବେଳେ ବିନାମାସ୍କରେ ବ୍ୟକ୍ତି କାଶିଥାଏ ସେତେବେଳେ ଲାଳ ବୁନ୍ଦା ୦୫ ସେକେଣ୍ଡରେ ୧୮ ଫୁଟ ପର୍ଯ୍ୟନ୍ତ ଯାଇଥାଏ । ଫିଜିକ୍ସ ଅଫ୍ ଫ୍ଲୁଇଡ୍ ପତ୍ରିକାରେ ପ୍ରକାଶିତ ଏହି ଅଧ୍ୟୟନରେ ମୁହଁର ମାସ୍କରେ ବ୍ୟବହାର କରାଯାଉଥିବା ଫିଲ୍ଟରର କ୍ଷମତା ଅଧ୍ୟୟନ କରାଯାଇଥିଲା ।

ମାସ୍କ୍ ଦ୍ଵାରା କମ ହୋଇପାରେ ବୁନ୍ଦା ପଡ଼ିବାର ବିପଦ

ଅଧ୍ୟୟନ ଅନୁଯାୟୀ, ମାସ୍କରୁ ଲାଳର ବୁନ୍ଦା ବାହାରିବାର ଆଶଙ୍କା କମ୍ ହୋଇପାରେ, କିନ୍ତୁ ବାରମ୍ବାର କାଶିବା ଦ୍ଵାରା ଏହାର କ୍ଷମତା ଉପରେ ପ୍ରଭାବ ପଡିଥାଏ । ଵୈଜ୍ଞାନିକମାନେ କହିଛନ୍ତି ଯେ ଏକ ମାସ୍କ ପିନ୍ଧିବା ଦ୍ଵାରା ଲାଳର ବୁନ୍ଦା ମଧ୍ୟ କିଛି ଦୂର ପର୍ଯ୍ୟନ୍ତ ପଡ଼ିପାରେ । ସେ କହିଛନ୍ତି ଯେ ମାସ୍କ ନପିନ୍ଧିବା ଦ୍ଵାରା ଲାଳର ବୁନ୍ଦା ପଡ଼ିବାର ଦୂରତା ଦୁଇଗୁଣ ହୋଇଯାଏ ।

ମାସ୍କର ବ୍ୟବହାର, ଲକଡାଉନର ପ୍ରୟୋଗ କରିବା ସହିତ କରୋନା ଭୂତାଣୁକୁ ରୋକାଯାଇପାରିବ । ପତ୍ରିକା ପ୍ରୋସିଡିଙ୍ଗସ୍ ଅଫ୍ ଦି ରୟାଲ ସୋସାଇଟିରେ ପ୍ରକାଶିତ ଏକ ଅଧ୍ୟୟନରେ ଏହା ଦାବି କରାଯାଇଛି । ଅଧ୍ୟୟନରେ କୁହାଯାଇଛି ଯେ କେବଳ ଲକଡାଉନ୍ ପ୍ରୟୋଗ କରୋନା ଭୂତାଣୁକୁ ରୋକି ପାରିବ ନାହିଁ । ଅଧ୍ୟୟନରେ କୁହାଯାଇଛି ଯେ ଯଦି ବହୁ ସଂଖ୍ୟକ ଲୋକ ମାସ୍କ ବ୍ୟବହାର କରନ୍ତି, ତେବେ ସଂକ୍ରମଣ ହାର ଆଶାତୀତ ଭାବରେ ହ୍ରାସ ହୋଇପାରେ । ଏଥିରେ ଦର୍ଶାଯାଇଛି ଯେ ଗୃହରେ ନିର୍ମିତ ହେଉଥିବା ନିମ୍ନ-ପ୍ରଭାବ ମାସ୍କଗୁଡ଼ିକ ମଧ୍ୟ ଉପଯୋଗୀ ହୋଇପାରେ ।

ବ୍ରିଟେନର କେମ୍ବ୍ରିଜ୍ ବିଶ୍ୱବିଦ୍ୟାଳୟର ଗବେଷକ ରିଚାର୍ଡ ଷ୍ଟଟଫ୍ରୋମ୍ କହିଛନ୍ତି ଯେ ‘ଆମର ବିଶ୍ଳେଷଣ ଏହି କଥାକୁ ସମର୍ଥନ କରେ ଯେ ଲୋକମାନେ ତୁରନ୍ତ ଏବଂ ସର୍ବଭାରତୀୟ ସ୍ତରରେ ମାସ୍କ ବ୍ୟବହାର କରନ୍ତି । ‘ ଯଦି ଲକଡାଉନ୍ ସହିତ ମାସ୍କ ବହୁଳ ଭାବରେ ବ୍ୟବହୃତ ହୁଏ, ତେବେ ଏହା ବିଶ୍ଵର ଏହି ମହାମାରୀର ମୁକାବିଲା ଭଲ ଭାବରେ କରିହେବ ଏବଂ ଟିକା ଆସିବା ଦ୍ଵାର ପୂର୍ବଭଳି ମଧ୍ୟ ଅର୍ଥନୈତିକ କାର୍ଯ୍ୟକଳାପ ଆରମ୍ଭ ହୋଇପାରିବ ।

ବନ୍ଧୁଗଣ ଏମିତି ସବୁବେଳେ ସମସ୍ତ ଖବର ପ୍ରତିଦିନ ପାଇବା ପାଇଁ ଆମର ଏହି ପୋର୍ଟାଲ କୁ ଫୋଲୋ କରନ୍ତୁ । ଯଦି ଏହି ଖବର ଟି ଆପଣଙ୍କ ମନକୁ ପସନ୍ଦ ଆସିଲା ତେବେ ଏହାକୁ ଲାଇକ କରନ୍ତୁ ଓ ସାଙ୍ଗ ମାନଙ୍କୁ ଶେୟର କରନ୍ତୁ ।