ଅନଲକ୍-୩ରେ ରାଜ୍ୟରେ ରାତ୍ରିକାଳୀନ କର୍ଫ୍ଯୁ ବଳବତ୍ତର ରହିବ । ରାତି ୯ଟାରୁ ସକାଳ ୫ଟା ଯାଏ ସାଧାରଣ ଯାତାୟତ ବନ୍ଦ ରହିବ । କିନ୍ତୁ ରାତ୍ରିକାଳୀନ କର୍ଫ୍ଯୁରେ ଅତ୍ୟାବଶକ ସେବା ଚାଲୁ ରହିବ ଓ ଅତ୍ୟାବଶକ ସେବାରେ ନିୟୋଜିତ କର୍ମଚାରୀ ଯାତାୟତ କରିପାରିବେ ।
କଣ ଖୋଲା ରହିବ ଏବଂ କଣ ବନ୍ଦ ରହିବ ?
କଣ୍ଟେନମେଣ୍ଟ ଜୋନ୍ ରେ ଲକଡାଉନ୍ ସମ୍ପୂର୍ଣ ଲାଗୂରହିବ । କଣ୍ଟେନମେଣ୍ଟ ଜୋନ୍ ରେ ଅବାଧ ପ୍ରବେଶ ଓ ପ୍ରସ୍ଥାନ ଉପରେ ପୂର୍ବ ପରି ସମ୍ପୂର୍ଣ କଟକଣା ଜାରି ରହିବ । ଅବାଧ ପ୍ରବେଶ ଓ ପ୍ରସ୍ଥାନ ପାଇଁ ଅନୁମତି ନାହିଁ ।
ଅଗଷ୍ଟ ମାସରେ ରାତି ୯ଟାରୁ ସକାଳ ୫ଟା ପର୍ଯ୍ୟନ୍ତ ରାତ୍ରି କାଳୀନ କର୍ଫ୍ଯୁ ଜାରି ରହିବ। ଗଞ୍ଜାମ, ଗଜପତି, ଖୋର୍ଦ୍ଧା, କଟକ ଓ ରାଉରକେଲା ପୌରାଞ୍ଚଳରେ ଶନିବାର ଓ ରବିବାର ସଟଡାଉନ୍ ରହିବ। ତେବେ ୧ ଓ ୨ ତାରିଖ ସକାଳ ୫ଟାରୁ ୧ଟା ପର୍ଯ୍ୟନ୍ତ କଟକଣା କୋହଳ କରାଯାଇଛି। ସ୍ବାସ୍ଥ୍ୟ ଓ ଅନ୍ୟ ଜରୁରୀକାଳୀନ ସେବାଗୁଡିକ ପାଇଁ କଟକଣା ରହିବ ନାହିଁ। pic.twitter.com/Uf0PypmeOe
— I & PR Department, Odisha (@IPR_Odisha) July 31, 2020
୩୧ ଅଗଷ୍ଟ ପର୍ଯ୍ୟନ୍ତ ଧାର୍ମିକ ଅନୁଷ୍ଠାନ ଲୋକଙ୍କ ପାଇଁ ବନ୍ଦ ରହିବ । ସ୍କୁଲ, କଲେଜ ଓ ଶିକ୍ଷାନୁଷ୍ଠାନରେ ୩୧ ଅଗଷ୍ଟ ୨୦୨୦ ପର୍ଯ୍ୟନ୍ତ ବନ୍ଦ ରହିବ । ହେଲେ ପରୀକ୍ଷାକୁ ଅନୁମତି ମିଳିଛି । ସିନେମା ହଲ, ସୁଇମିଙ୍ଗ ପୁଲ, ଓ ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରହିବ । ମନୋରଞ୍ଜନ ପାର୍କ, ଥିଏଟର, ବାର, ଅଡିଟୋରିୟମ, ଆସେମ୍ବଲି ହଲ ପୂର୍ବ ପରି ବନ୍ଦ ରହିବ । ସାମାଜିକ, ରାଜନୈତିକ, ଖେଳ, ମନୋରଞ୍ଜନ, ସାଂସ୍କୃତିକ, ଧାର୍ମିକ କାର୍ଯ୍ୟ ଓ ଅନ୍ୟ ବଡ କାର୍ଯ୍ୟକ୍ରମକୁ ପର୍ବଭଳି ବନ୍ଦ କରାଯାଇଛି ।
କେନ୍ଦ୍ର ସରକାରଙ୍କ ନିୟମ ଅନୁଯାଇ ଅଗଷ୍ଟ ୫ରୁ ଯୋଗ କେନ୍ଦ୍ର ଓ ଜିମ୍ ଖୋଲା ଯାଇପାରିବ ବୋଲି ରାଜ୍ୟ ସରକାର ସୂଚନା ଦେଇଛନ୍ତି । ସେଲୁନ ଓ ସ୍ପା ଆଦି ସୁରକ୍ଷାକୁ ମାନି କାର୍ଯ୍ୟ ଜାରି ରଖିପାରିବେ ।
ବାହାର ରାଜ୍ୟରୁ ୩ ଦିନ ପାଇଁ ଆସିଲେ କ୍ଵାରେଣ୍ଟାଇନ୍ ନାହିଁ:
ରାଜ୍ୟ ବାହାରୁ ଯଦି କେହି ୩ ଦିନ ପାଇଁ ଆସିବେ କ୍ଵାରେଣ୍ଟାଇନ୍ ରେ ରହିବାକୁ ପଡ଼ିବନି । ୩ ଦିନରୁ ଅଧିକ ଦିନ ପାଇଁ ଆସିଲେ କ୍ଵାରେଣ୍ଟାଇନ୍ ରେ ରହିବାକୁ ପଡିବ ବୋଲି ଏସଆରସି ସୂଚନା ଦେଇଛନ୍ତି ।
ଶନିବାର ସରକାରୀ ଅଫିସ୍ ବନ୍ଦ:
ନୂଆ କଟକଣା ଅନୁସାରେ ଅଗଷ୍ଟ ମାସରେ ୫୦ ପ୍ରତିଶତ କର୍ମଚାରୀଙ୍କୁ ନେଇ ଅଫିସ ଚାଲିବ । ଗୃପ୍-ଏ କର୍ମଚାରୀଙ୍କୁ ମିଶାଇ ମାତ୍ର ୫୦ ପ୍ରତିଶତ କର୍ମଚାରୀରେ ଅଫିସ କାର୍ଯ୍ୟ ଚଳାଇବାକୁ ନିର୍ଦେଶନାମା ଜାରି ହୋଇଛି । କରୋନା ମହାମାରୀର ଗୋଷ୍ଟି ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଏଭଳି ନିଷ୍ପତି ନେଇଛନ୍ତି । ଏହା ସହିତ ପ୍ରତି ସପ୍ତାହର ଶନିବାର ସମସ୍ତ ସରକାରୀ ଅଫିସ ବନ୍ଦ ରହିବ ।
୪ ଜିଲ୍ଲାରେ ସଟଡାଉନ୍
ଗଞ୍ଜାମ, ଗଜପତି, ଖୋର୍ଦ୍ଧା, କଟକ ଓ ରାଉରକେଲା ପୌରାଞ୍ଚଳରେ ଶନିବାର ଓ ରବିବାର ସଟଡାଉନ୍ ରହିବ । ଅଗଷ୍ଟ ୧ ଓ ୨ ସଟଡାଉନ୍ ରେ ସାମାନ୍ୟ କୋହଳ କରାଯିବ । ଅର୍ଥାତ ଅଗଷ୍ଟ ୧ ଓ ୨ ରେ ଦିନ ୧ଟାରୁ ରାତି ୯ଟା ଯାଏ ସଟଡାଉନ୍ ଜାରି ହେବ । ଗଞ୍ଜାମ, ଗଜପତି, ଖୋର୍ଦ୍ଧା, କଟକ ଓ ରାଉରକେଲା ପୌରାଞ୍ଚଳରେ ଏହି ଦୁଇ ଦିନ ମାଧ୍ୟାନ୍ନ ୧ଟା ଯାଏ ଖୋଲା ରହିବ । ତାପରେ ସମ୍ପୂର୍ଣ୍ଣ ସଟଡାଉନ୍ ଜାରି ହେବ । ପରବର୍ତୀ ଶନିବାର ଓ ରବିବାର ଠାରୁ ସମ୍ପୂର୍ଣ ସଟଡାଉନ୍ ଲାଗୁ ହେବ ।
ସଟଡାଉନ୍ ରେ ପୂର୍ବରୁ ଯେମିତି କଟକଣା ଲାଗୁ କରାଯାଉଥିଲା ସେହିପରି କଟକଣା ଲାଗୁ ହେବ ବୋଲି ଏସଆରସି ସୂଚନା ଦେଇଛନ୍ତି । ଅତ୍ୟାବଶକ ସେବାରେ ନିୟୋଜିତ କର୍ମଚାରୀ ପୂର୍ବଭଳି ଯାଆସ କରିପାରିବେ ।
କଟକଣା ନମାନିଲେ ଫାଇନ ଦେବାକୁ ପଡିବ
ରାଜ୍ୟ ସରକାର କରୋନା ସଂକ୍ରମଣକୁ ରୋକିବା ପାଇଁ କୋଭିଡ୍ ନିୟମକୁ କୋଠାର କରିଛନ୍ତି । ମାସ୍କ ନପିନ୍ଧିଲେ ୫ ହଜାର ଟଙ୍କା ପର୍ଯ୍ୟନ୍ତ ଫାଇନ ଦେବାକୁ ପଡିବ । ପ୍ରଥମ ୨ଥର ମାସ୍କ ନପିନ୍ଧି ଧରା ପଡିଲେ ହଜାରେ ଟଙ୍କା ଲେଖାଏଁ ଜରିମାନା ଏବଂ ପରବର୍ତୀ ଅବସ୍ଥାରେ ଧରା ପଡିଲେ ୫ ହଜାର ଟଙ୍କା ଜରିମାନା ଦେବାକୁ ପଡିବ ।
ବାହାଘର ଓ ଶୁଦ୍ଧିକ୍ରିୟା ପାଇଁ ଗାଇଡଲାଇନ
ବାହାଘରରେ କୌଣସି ପରିସ୍ଥିତିରେ ୫୦ରୁ ଅଧିକ ଲୋକ ରହିବେନି । ବର ଓ କନ୍ୟା ପକ୍ଷର ସମସ୍ତଙ୍କୁ ମିଶାଇ ୫୦ରୁ ଅଧିକ ଲୋକ ରହିପାରିବେନି ବୋଲି ଏସଆରସି ସୂଚନା ଦେଇଛନ୍ତି । ବାହାଘର ଗାଇଡଲାଇନ ନ ମାନିଲେ ୧୦ ହଜାର ଟଙ୍କା ଜରିମାନା ଦେବାକୁ ପଡିବ । ବାହାଘର ହେଉଥିବା ମଣ୍ଡପକୁ ସିଲ୍ କରାଯିବ । ପରବର୍ତୀ ପର୍ଯାୟରେ ୧୦ ହଜାର ଟଙ୍କା ରୁ ଅଧିକ ବଢିବ ।
ସେହିପରି ଶୁଦ୍ଧିକ୍ରିୟା କାର୍ଯ୍ୟରେ ୨୦ରୁ ଅଧିକ ଲୋକ ରହିପାରିବେ ନାହିଁ । ବାହାଘର ଓ ଶୁଦ୍ଧିକ୍ରିୟା ରେ ଗାଇଡଲାଇନ ଭାଙ୍ଗିଲେ କଡା କାର୍ଯ୍ୟାନୁଷ୍ଠାନ ହେବ ବୋଲି ସାମ୍ବାଦିକ ସମିଳନୀରେ ଏସଆରସି ସୂଚନା ଦେଇଛନ୍ତି ।
ଦୋକାନୀ ସାମାଜିକ ଦୂରତ୍ୱ ନିୟମ ନ ମାନିଲେ କଣ ହେବ ?
ସାମାଜିକ ଦୂରତ୍ୱ ନିୟମ ଭଙ୍ଗ କରୁଥିବା ଦୋକାନ ସିଲ୍ କରାଯିବ । ପ୍ରଥମ ଥର ନିୟମ ଭାଙ୍ଗିଲେ ଜରିମାନା ଏବଂ ୧ ସପ୍ତାହ ସିଲ୍ କରାଯିବ । ୨ୟ ଥର ନିୟମ ଭାଙ୍ଗିଲେ ଦୋକାନ ମାସେ ସିଲ୍ କରାଯିବ ଓ ଜରିମାନା ମଧ୍ୟ ଦେବାକୁ ପଡିବ ।
ବନ୍ଧୁଗଣ ଏମିତି ସବୁବେଳେ ସମସ୍ତ ଖବର ପ୍ରତିଦିନ ପାଇବା ପାଇଁ ଆମର ଏହି ପୋର୍ଟାଲ କୁ ଫୋଲୋ କରନ୍ତୁ । ଯଦି ଏହି ଖବର ଟି ଆପଣଙ୍କ ମନକୁ ପସନ୍ଦ ଆସିଲା ତେବେ ଏହାକୁ ଲାଇକ କରନ୍ତୁ ଓ ସାଙ୍ଗ ମାନଙ୍କୁ ଶେୟର କରନ୍ତୁ ।
